شـــلــــت الــــعـــــذاب
حايلت أنا في قد ماأقدروحاولت=أرضي هواك وغايتك قد حالي
حاولت أنافي كل حال وتحايلت=كله إلخاطرمن على الروح غالي
شلت العذاب ولأجل عيناك جاملت=وأنقل غرابيل الموده إلحالي
نقلت ماهد المتون وتحاملت=على حياتي لوخفوقي شكالي
أعشق هوى حب إلحبه تغانمت=فرصة زماني يوم حبي صفالي
ياشوق ياللي فوق شوقي تراكمت=وكونت ود بالحنايا إلتجالي
مع لحظة الصدفه ووقته تلاحمت=وخليت روحي للحبيب حلالي
أناوحبيبي بالغلا ماتحاكمت=لاعند شيخ ولاعلى الحب والي
خلي عليه من الهوى فيه هايمت=ولوطال وقتي ماتراجعت سالي
قلبي تعلق بالغلا فيه رايمت=شربت حبه مثل شرب الزلالي
بذلت من روحي وبالروح ساهمت=وإلياطلب خلي تراخصت مالي
لان الفواد ومع هوايه تراحمت=رحمة هوى فيهاالغرام إستوالي
لان الفواد إلغاية الشوق سالمت=وسلمت أنا أمري يوم خلي صخالي
مع رادتي في كل شاني تفاهمت=وأفهمت ظني في محاصيل فالي
مرت عليْ إسنين منها تعلمت=كيف أعشق اللي في زماني طرالي
يطري عليْ اللي إبطيفه تحلمت=أسري إلطيف في منامي سرالي
لأقبل عليْ الليل كلي تولمت=للسهروالم لأدمسن الليالي
للسهروالم مستعد وتحيزمت=نومي جفاني ماهقافيه بالي
نثرت بظنون الهقاوي وليمت=وآخذت عبره من كلام الرجالي
آخذت من قول الرجال وتحكمت=بالنصح وآخذ من حكيم المقالي
دورت في دنيا العشاقه وقيمت=ماشفت عن حبك إبغيرك مجالي
إن كان تسألني تراني تشيمت=بيني وبين الغيرحطيت جالي
جال منعني لين ياحب سلمت=حبي وحالي ياخلف من غدالي
بالله أسالك لوسمحت وتكرمت=وأرجوك رجوى لاتدوربدالي
أنا الوحيد اللي إبحبك تألمت=حبك قدرمكتوب من عند والي
عن لذ زادي للغلا طايع صمت=وأصبح لي الإفطارشي محالي
صدق وصداقه ماغويت وتوهمت=يوم إعتلقتك ياحسين الدلالي
لشفت شوفك في كلامي تلعثمت=وأمشيلك الطرقه إبدربي عدالي
يازين عن طرد الغناديرحرمت=أشهد غرام اللي وداده بقالي
ليتك عليه ياشقايه تجملت=وأعطيتني شي إبعيد المنالي
شفني عليك إبكل مابي تكثلمت=أنت الوحيد اللي وداده عزالي
مادام أنا حايلت والله وحاولت=أرضي هواك وغايتك قد حالي
رد مع اقتباس
المشاركة الأصلية كتبت بواسطة ملك القوافي
مواقع النشر (المفضلة)