السلام عليكم ورحمة الله وبركاته
اليوم جايب لكم قصيده ان شاء الله تنأل على أستحسانكم جميعاً
[poem=font="Simplified Arabic,6,orange,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black""]
"الاّ أنت" يانور عيني ماحدٍ قدّك = بالقلب ماغير صولاتك وجولاتك
إن جيتني مزح والا جيت من جدّك = تامِر وتنهى على كيفك ومشهاتك
لبيه ياشوق رمشٍ لاطرق خدّك = تجهيز غارات تذبحني بنظراتك
اقوى على ردّ غيرك و أنت ماردّك = من قوّ هيبتك وإستيطان سلطاتك
جزرك سرابي .. وعوّد جابني مدّك = اروح مع روحتك .. واجي بجيّاتك
اي والله انّي "احبك موت" واودّك = لا لا .. "احبّك حيااااه" ابجِدّ ، وحياتك
إنّك لحالك وانا لك ندّ من ندّك = ابيك بسّ أنت ! لو طالت مسافاتك
ولو انّ كلّ الظّروف المعضله ضدّك = تعال .. ابروي ضماي وبكتم آهاتك
ماودّي تعيش "غربه" و أنت ماودّك = وش تحتري ؟! قبل ينطق وقتنا فاتك!
بالله صدّك !! دخيلك .. ما أبي صدّك = لاتذبح القلب يالغالي بقدراتك
تعال خلّ الفضا ياغايتي حدّك = لملم شتاتي وانا بالملم شتاتك
قدّي غلا ، وأنت قدّي ، والغلا قدّك = وبالحِب ماغير (صولاتي وجولاتك)!
[/poem]
تحياتي لكم:25ar:
صلفووووق
مواقع النشر (المفضلة)