بسم الله الرحمن الرحيم

قصيدة قناع الغدر , شعر قناع الغدر , شعر غدر

ظني تروف القلب توفي حقوقه
فلبي وفا في غصة الوقت ناجاك

ظنه تحبه وانتشى في عروقه
أثره مخدوع في حقيقة نواياك

أظهر كتاب الزيف بانت فروقه
الحق يظهر يتضح في سواياك

ساعه تراضي القلب ساعه عقوقه
يا شين طبعك طايع ذيك أو ذاك

وين الوفا والغدر بانت طروقه
هذي حقيقه واضحه قالها فاك

لاجلك ( خفايا الأمس ) كاتم حروقه
والا ( هدية شوق ) أظهر خفاياك

زرع اتهامك واضح في عذوقه
كم ضاق رحم الكون فيني وعداك

تبقى الحقيقه والمعاني سبوقه
واضح معي في مبدأ الحرف واقراك

لا تنتظر من قلب خلك بروقه
بطفي ضيا حبك من القلب وانساك

ما عاد لي تفكير تطفي شروقه
ما دام بقناع الغدر زيف مبداك


والا المشاعر بي تراها صدوقه
ما نامت بيوم الجفا تطلب ارضاك

خلك توعد الله اقوى يعوقه
منهو تسبب بالجفا والخبر جاك

لكن جهاز القلب بانت حروقه
ثم تعرى وانكشف سر مغزاك