بسم الله الرحمن الرحيم

قصيدة الا ياوجودي وجد من علته تاتيه

الا ياوجودي وجد مـن علته تاتيه ..
وجـود الـفـقـيـد اللـي فـقد قطعة منـه ..

ليا عرض الطاري وليفه وجا طاريـه ..
بكـى مـن حـزن وأيامه البيض يبكنـه ..

بكى من غلا غاليه يوم انه ذكر غاليه ..
وسهوم المنايا فرقنــــــــه وجـــــــرنه ..

أنا قـبـل لااسمـع طاري البعد واحاكيه ..
تـذوقت فـنـجــاله وكـــــــيـّفـت من بنه ..

حـزين الـمـشــاعر ماحد يقدر يواسيه ..
ولا لـه سـوا حـزن المشـاعر يجارنه ..

أجـاريه مـن قلبـي ومن عيني أجاريه ..
وحـده مـعـي وعـروق قـــلبـي يـحـدنه ..

يــلاحـيـنـي بحــزنــه ولاحـيـه ولاحيه ..
ومعاليق جسمي من غثى البعد لاحنه ..

أنـا لابغيـت أسـج مـن مـركبه وانهيه ..
هــواجـيــس قلبي كل ليله يـــســـجنه ..

تـذكــرت بـيـت مــانـي بعارف راعيه ..
وعـز الله انـه يـبدع الشعر مــن فنه ..

عسى من حرمني من وليفي وانا باغيه ..
تـحـده ذنوبه مايجــــي بـــــارد الجـــنه ..