بسم الله الرحمن الرحيم

قصيدة وانا لي الله كل ماخاطري ضاق

حبر المشاعر لا زهم بيـض الاوراق
علـى صفـا رجـم القصايـد نثرتـه

عسى الصفا يحرز عن الصدر لا ضاق
لاضـاق مـن همـه وانـا ماقدرتـه

يارجم ترجـم كـان خانتـك الافـاق
قل للصخر ينطق وش اللـي صخرتـه

علمهم انك تنتظـر شمـس الاشـراق
وانا شروقـي مـن سنيـن انتظرتـه

لـو ادري ان الوقـت خايـن وبـواق
عمري علـى درب العنـا ماعمرتـه

ان شفتنـي مابيـن ضحكـه وتريـاق
ارسـم بهـا كذبـة فـرح ماشعرتـه

يارجم انا بعطيـك موجـز للاعمـاق
واقع بصدري في صفـاك اختصرتـه

يمكـن تناصفنـي شعـوري وينطـاق
والا إعتبـر يارجـم كـان اعتبرتـه

صدري من الضيقه غدا كنـه عـراق
هـمٍ يزعزعـنـي وهــمٍ قبـرتـه

والخاطر اللي مـن طواريـه مـاراق
سما وصفـوه يشتكـي مـن غبرتـه

يارجم حملتـك مـن الحمـل ماطـاق
عليـك منجـوب القصايـد نحـرتـه

وانا لـي الله كـل ماخاطري ضـاق
صليت مـع صـوت الاذان وشكرتـه