[align=center]شعري شعور ويتبـع الشعـر غاويـن
حــرفٍ كتـبـنـي والمـعـانـي جـزيـلـه
باكتـب قصيـدة حـب لعيـون حلـويـن
حبـوا بعضـهـم مــن سنـيـنٍ طويـلـه
صافـي وفاهـم رغـم كـيـد الحقيـريـن
ويكـبـر غـلاهـم بـيــن يـــومٍ ولـيـلـه
فـي سكـة العشـاق ياهـم...... وفييـن
ماهـمـهـم اهـــل الـحـسـد والـرذيـلـه
حبٍ يمـوت وحـب عايـش لـه سنيـن
وبعـض الغـلا مـاكـل ظــرفٍ يشيـلـه
من جيتها غادي ولادري علـى ويـن
مضـيـع دروبــي للـعـيـون الكحـيـلـه
اتبـع غـلاي وراعـي الحـب مسكيـن
حلـمـي رسمـتـه والـقـهـر مرتكـيـلـه
وسألتهـا يابـنـت وش بــك تصـديـن
ابـغـى الحقيـقـه والحقـيـقـه فضـيـلـه
طبعك غريب..... ويمكن انك تحبيـن
قـالـت لـونـه شـــاف حـبــي يهـيـلـه
والقلب واحـد ماسكـن فيـه شخصيـن
ودامـــه بقـلـبـي طلـعـتـه مستحـيـلـه
ودرات بـي الدنـيـا وثــارت براكـيـن
يـادمـعـة الـمـحـروم يـاهــي ثـقـيـلـه
انـا اشـهـد انــك باالـغـلا ماتخونـيـن
وانا ادري انك ياالأصيلـه ....أصيلـه
وصديت عنها ودمعتـي تقهـر العيـن
وكـل الحنـا يــا فــي خفـوقـي عليـلـه
الـحـب قـبـلـي مشتكـيـنـه شريـفـيـن
والعـشـق بـلـوى مالـنـا فـيـه حـيـلـه
اشـيـل ذنـبـي دون جــرح المحـبـيـن
ماجـيـت افــرق بـيـن خـــل وخـلـيـه
وصفيت نفسي مع صفوف المساكين
مالله كـتــب لكـلـيـب حـــب الجلـيـلـه [/align]
مواقع النشر (المفضلة)