محاوره خفيفه
السلام عليكم
محاوره حدثت فى الشات يوم الخميس 3/1 /1427
بين الشعار
الصقار من شعار الروقه من عتيبه
شكيب من شعار برقا من عتيبه
وبعد ان ارسل لنا الشاعر الصقار نسخه من ابياته تم اضافتها مع ا بياتى لنشرها
والان مع المحاوره
يقول صقار :
شكيب اقرب ثم شدّ الحيل .... ياشاعر ٍ ميه على ميه
الليل لاتبطي على ّ الليل .... خلكّ من علوم الهواويه
يقول شكيب /
يامرحبا حييت يابن سهيل //// والقاف والحفله صباحيه
جيناك نركض مثل ركض الخيل //// ومانيب كاتب لك رومنسيه
صقار :
ياشكيب دمعك غرق المنديل .... ولد شيوخ وتطرد ابنيه؟
هو ليش تلعب يالخوى بالذيل .... جاني خبركم فا البجاديه
شكيب :
الحب تاليته عذاب وويل /// وانا يسبب لي حساسيه
من بحر جده لا طريق السيل /// اخذت منه ايام ورديه
صقار
اعطوك برقا عنّهم توكيل .... تكتب شعر منّا ومنيّه
وفي نجد مالك غير بن وهيل .... اشرب وروحّ للحجازيه
شكيب ..
فى صفحة التاريخٍ حَط ّ وشيل /// تسمع بها كل الافنديه
واهل الحجاز معدّلين المَيل /// وان راحت الدعوه عتيبيه
صقار
شاشتك ليش يصيبها تعطيل .... ياولد برقا نيتك نيـــــــّه
لاتتكي للجدر ثم يهيل .... ياهل الحجاز انتم عليميه
شكيب ....
برنامجك يحتاج اله تحميل //// وقطع غياراته تجــــاريه
وضد الهكر يحتاج الك تنزيل //// عندي برامج لك خصوصيه
صقار
ياتاجرٍ للحَب وزن وكيل .... وانته بخست الوزن باوقيه
ياليل ماطول سيرتك ياليل .... ويامكثر الروحات والجيه
شكيب ::
نعطي ونخصم مبلغ التوصيل //// وللسوق تجّار وحراميه
وزبايني عندي لهم تدليل //// والفايده واحد من الميه
وختاما لايسعنا الا ان نشكركم على طيب المتابعه
طلال
رد مع اقتباس
مواقع النشر (المفضلة)