مرثية ناصر القحطاني ... في زوجته.. صوتيه
[align=center][rams]http://www.dwaihi.com/poem/4nas22.ra[/rams][/align]
[align=center]
[mark=000000][a7la1=000000][align=center]
مسا الخيرات وان طال البطى يالمنزل المهجـور
تـرا مـا ابطابـي الا حالـة مثـلـك يقـدرهـا
اذا عندك عتب لا مانـع مـن معاتـب المذكـور
واذا عـز الرضـى تفـداك الاعـذار ومقابرهـا
انا اللي جيت لك والريح تعوي والشتـا مسعـور
ولابـه مـن دفـى والمربعانـيـه باواخـرهـا
تغير وانطبـع دربـك بلـون المسـك والكافـور
وهـذي رعشـة كفوفـي ولابـه مـن يدثرهـا
بعد ماكنت اجي بابـك بدستـور وبـلا دستـور
ولا ادري الا وذيك الدرفه اليمنى علـى آخرهـا
طموحي عارضته اللي معاهـا كـل شـي يبـور
وجا كسر الطموح اهون علي من كسر خاطرهـا
سنة ماقبل نذير الشيـب كانـت بـأول الطابـور
وكنـت احلامهـا ذيـك السنـه واول سرايرهـا
لقت قدامها فوضـى وقلـب وشاعـر وجمهـور
وجات ورتبتني مـن جديـد وصـرت شاعرهـا
بقيت اسري لهـا لا همنـي وحشـه ولا ديجـور
اشيـل احلامنـا تحـت النجـوم وهـي تفسرهـا
سقى الله يوم جابت لي قبل يومين مـن عاشـور
هذاك العسجـد اللـي جابـه الله مـن عشايرهـا
غلاها كان تحويشة عمر بشعـور فـوق شعـور
اليـن اكتضـت الاشـواق والهانـي تكاثـرهـا
ربت ماهي تحت ريشة نعام وفي بـلاط قصـور
ولكـن لاتـرف لـه قيمـه الا تحـت اوامرهـا
يحملن امهات البيض تسع شهـور تسـع شهـور
علـى رجـوى بشايرهـا ولا لاحـت بشايرهـا
تقل بـدر ولا بيـات بـدر تقـول بـدر بـدور
ولا بيـات بـدر بـدور يعنـي مانـت خابرهـا
لو استقصوك عنها مانـت محتـاج لشهـادة زور
تحت سقفك سحايـب ملحهـا وامـواج سكرهـا
مرق المتحف اللي من ورا اضلوعك فدتك الـدور
وانا ما اقوى نظرما فيـه بعـد غيـاب ناظرهـا
حديقة بيت اهلهاسورهـا العالـي حمـام السـور
زخــارف بابهاشـبـاك غرفتـهـا ستايـرهـا
ورق جدرانها..سجادها..تقسيـمـة الـديـكـور
خزايـنـهـا ..هداياها..رسايلها..خـواطـرهـا
تحفها..مزهريتها..قصصها..شعرهـا المكـسـور
صورها..مكتبتها..اقلامهـا..لـمـة دفـاتـرهـا
زمام السيف ..شال الليل..حنا الكف..كحل الحـور
حلقها..عطرها..فستانـهـا الابيض..جواهـرهـا
مرايتها..فصوص الساعه البيضا ام خمس سيـور
خواتمها..قـلايـد جيدها..نقـشـات اسـاورهـا
ملابسها..بـروق الوانها..دولابـهـا الممـطـور
من ازرقها..الى احمرها الى اخضرها الى اصفرها
نسانيس الهوا اللي ترتشـف يشمومهـا المنثـور
صخيفـات المناديـل اللـي احتضنـت عبايرهـا
مصابيح المكان اللي خـذا منـه النهـار النـور
سنون مشاطها اللـي مانسـت عشـرة ظفايرهـا
بطاقات(ن) يطرزها صغار(ن) يحملـون زهـور
رحيـل الدبلـه اللـي ماتهنـت فـي خناصرهـا
زوايـا كنهـا بلـور فـي بلـور فـي بـلـور
مسى رزنامة(ن) غـاب الحريـر اللـي يغيرهـا
وش اقول لـيتاماهـا الكثيـر الممتليـن كسـور
وانا اشياهـا تحاصرنـي واحسبنـي محاصرهـا
بكيت وصارت الدنيا قفص واستوحش العصفـور
ضحكت وملت شبوك القفص من كـذب طايرهـا
عرفت شلون الارض تدور وايام الزمـان تـدور
والاعيان انصفت كيف ومتـى تذبـح محاجرهـا
ومتى تصير القبور بيوت وتصيرالبيـوت قبـور
وكيف الذكريـات يـذوب ماضيهـا بحاضرهـا
على الله وانت ابيك المتحف اللي للعرب معـذور
الى جتـك العيـون وصـدت ابوابـك نواظرهـا
تمر اجيال وتصدر سواليـف وتعيـش عصـور
وتروي سالفة عمري مـن اولهـا الـى اخرهـا
هذه القصيدة الجميله للشاعر ناصر القحطاني
في رثاء زوجته
نقلتها لكم
شمووووووخ انثى
[/align][/a7la1][/mark][/align]
رد مع اقتباس
مواقع النشر (المفضلة)