ســـوالــف حــريــم

[نعومة الزين]

سوالف حريم
حصة و سارة في نقاش ساخن على الهاتف :



حصة : شفتي نورة الخاينة عزمت منى لحفلة نجاح بنتها ولا عزمتني !



سارة : قلت لك هالبنت ما لها داعي من زمان بس انتي ما ادري وش عاجبك فيها



حصة : لا وبعد كنت ناوية اجيب لبنتها ( آخر جوال نزل بالسوق ) هدية !



سارة : الحمد لله انك ما تسرعتي و جبتيه ! يا شيخة خلي فلوسك في جيبك ما فيه احد يستاهل هالايام



حصة : على رايك .. انا ما ادري على ايش تتكبر على جمالها و لا على دمها اللي ما شفت اثقل منه



سارة : واخيرا اعترفتي بحقيقتها يا حصة !؟ .. انا ما بعد برد قلبي من الحش فيها .. لا تنسين تذكريني



قبل نقفل التلفون نقرأ كفارة المجلس !!!



في هذه الأثناء يرن جوال حصة فتستأذن سارة بالرد عليه :



نورة : الو .. هلا و غلا حصة كيف الحال ... يا الغاليه لي ساعه اتصل على رقم بيتكم و القاه مشغوول ....



حبيت اعزمك لحفلة تخرج بنتي !!



ــــــــــــــــــــــــــــــــــــــــــــــــــ ـــــــــــ




ام محمد و ام نواف في اجتماع يضم صديقات الطفوولة :



ام محمد : عقدك يجنن يا ام نواف هذا ذهب و لا اكسسوار ؟



ام نواف " باعلى صوت يمكن لحنجرتها اطلاقه " : اي اكسسوار الله يهديك يا ام محمد الغالي للغاليين



هذا العقد اشترى لي اياه زوجي بعشرين الف هديه لما جاء من السفر .



ام محمد : يا بختك فيه حسره علينا وقولي لي عساكم بتسافرون بهالاجازة ولا قاعدين في الحر مثلنا ؟



ام نواف : والله يا ام محمد ما ادري عن ابو العيال هالسنه مثك عارفه ملينا كل صيف نروح لباريس ولندن



قلنا هالمره نخليها لاستراليا تغيير للروتين .



ام محمد : ما شاء الله عليكم يا ام نواف ما تملون من السفر عاد !؟



ام نواف : ان لو الود ودي قلت لهم يحطوني في مكه ويروحون هم بس تعرفين الاولاد الله يهديهم



من ست شهور حاجزين لنا الرحلات ودرجو اولى علشان ما نتعب من طول الرحلة



ام محمد : الله يهنيكم و يزيدكم من فضله يا ام نواف ..



بعد انتهاء الاجتماع وخروج آخر المدعوات .. ام نواف تعود لشقتها المستأجره باللموزين ....



لان سيارة زوجها القديمة معطلة .. كالعادة !!



وش رايكم؟؟؟؟؟ :d2:

[احلى مزاج]

ام محمد : يا بختك فيه حسره علينا وقولي لي عساكم بتسافرون بهالاجازة ولا قاعدين في الحر مثلنا ؟



ام نواف : والله يا ام محمد ما ادري عن ابو العيال هالسنه مثك عارفه ملينا كل صيف نروح لباريس ولندن



قلنا هالمره نخليها لاستراليا تغيير للروتين .



ام محمد : ما شاء الله عليكم يا ام نواف ما تملون من السفر عاد !



ههههههههههههه فعلا سوالف حريم الله يخليهم لنا

[دوسري مزيون]

هههههههههههههههههههههههه
هههههههههههههههه
ههههههههه
هههه



من جد سواليفهم فله خخخخخخخخخخخخخخخخخخخ



يعطيك الف عافيه اختي على هل موضوع


تحياتي لك


دوسري مزيون