أرسلت أنا لجبال حايل سلامي
السلام عليكم
احبتي
ارجو ان تحوز متواضعتي على رضاكم
كما ارجو الا يفسر البيت الاول والثاني بطريقه خاطئه ...
------------------------حايل ----------------------------
لاهيب دار الشرق..لاهيب شامي =
لاهي مصر لاهيب تونس ولاعراق
لاهيب دار سبيع ..لادار يامي =
دارٍ هويته وانكتب بيننا فراق
ارسلت انا لجبال حايل سلامي =
يوم الغلا والشوق والشمس عشاق
حايل ..بعشقه ينتهي بي كلامي =
ورقيت انا في عشقها كل الآفاق
لاتنشدن يالايمي وش علامي =
حبيتها من هامتي ..لاسفل الساق
حبيتها واسرفت له من غرامي =
ومن زودشوقي له غدى الشوق مشتاق
بيني وبين الشوق شبه احتدامي =
يكمش وريد القلب والقلب صفّاق
اشوف انا صديانها في منامي =
واشوف باحاته على كل الاوراق
واشوف اجا ورمان وهاكالعصامي =
وبرزان يضحك لي وانا بالوصل عاق
حايل ..تهدّي..واستريحي ونامي =
دام القدر ياحلوتي صار ..سراق
دام القدر سوّا سوات الحرامي =
لابد مايسمحلي الوقت ..بعناق
يالايمي وشلون مثلي يلامي =
وشلون ينلام الضحى بحب الاشراق ؟!
وسلامتكم
رد مع اقتباس
مواقع النشر (المفضلة)