أنتي مالك في ضميري ......؟؟؟
[align=center]
مقطع من حوار جميل بين فتاة متبرجه والشاعر
حاولت الفتاة اغراء الشاعر وذم البرقع الذي هو رمز للحجاب
لكنه صدها لانه يفضل صاحبة البرقع والستر ...ويكفي انها
قلبها وعقلها له وحده ولي لكل من هب ودب
اترككم مع الشاعر فيصل الرياحي ...وهذه القصيده المميزه
ــــــــــــــــــــــــــــ
العيون السود فيها جاذبيه
..................بالرموش تفرق العقل وتلمه
ياطوابير الجيوش العسكريه
....................صفها القايد لتنفيذ المهمه
قابلتني تمشي اخت العامريه
.................تقتل العاشق ولاتحسب لدمه
غرها الحسن وخذتها العنجهيه
..................من يقول انا الذي مانيب يمه
قلت : وش ذا التعالي ياصبيه
................انت قطعه من عذاب انت مطمه
قالت: نا الفاتنه وانت الضحيه
...............هل علمت ان الهوى مافيه ذمه
قلت :انا عندي حصانه ماعليه
..................من يحاول خمتي بقعا تضمه
صح تملكني مشاعر عاطفيه
............لكن ماشرب من مشارب كل جمه
قالت : الله يالجفا والعنصريه
...................ورد بين ايدك ماتقدر تشمه
أثر مالوم العرب سموك عيه
................ضاق بك صدري وزاد بي همه
أبدوي ماتريد الا بدويه
..............قطعا والله من شكل برقع وغمه
قلت : بالهون اسمعي يالاجوديه
................أنتى ودك تبعين الارض صمه
أنتي مالك في ضميري قابلية
..................كاشفه متبرجه مابين الامه
أحب اللي قلبها والعقل ليه
....................وثوبها ضافيه أبدانه وكمه
أبدويه تسوى من شرواك ميه
................بالادب والزين والاخلاق قمه
عيروني بالبداوه ياغبيه
......................البداوة عز مافيها مذمه
,,
,
الشمـــااااالى[/align]
رد مع اقتباس
مواقع النشر (المفضلة)