اللــــــيل الأســــــــــــود ............
[poem=font="Simplified Arabic,6,green,normal,normal" bkcolor="sandybrown" bkimage="" border="none,4,sienna" type=2 line=0 align=center use=ex num="0,black"]
البارحه يوم أظلم الليل الأسود = فكري يغيب بي يروح ويردا
ثم سقت فكري سوق مطرود يحد = دريك حده طالب الثار حدا
قامت بنات الفكر عندي توارد = وأخذ من الجزلات والهزل أصدا
أعوم ببحور ليا مالها حد = وبحور شعري دون جزر ومدا
نهاية صدر القاف بكتب على أد = وعجز قافي بختمه دوم بأدا
أنا عريب معرب الخال والجد = ولابي من العرقين عرق يلدا
أفعول ربعي عند الأجواد تنعد = لاعدة أفعول القبايل نعدا
ذباحة الكوم السمينه وتزهد = اما تعشى الضيف ولا تغدا
ولطامة العايل ليا جا تهبد = مقرود حظه يوم جنا تحدا
وأنا ليا صدو هل اللاش ماصد = أوجبه وأعطيه ماهو يودا
ما أشفق عاى خوة رجال سمرمد = السرمدي منبوذ ملعون جدا
واللاش مثباره مع ناعم الخد = لو هو تمرجل يوم عاد وتردا
مالي ومال مرافقت هيس أربد = سنه ضحكلي وداخله نار وقدا
يانفس مالك في رخوم توعد = خله يواسد حرمته بالمخدا
واتندبه بالسوق هاته وذا ود = وهو سواة الكدش خادم وودا
يانفس سجي وأدلهي في فضاء نجد = وخلي شبيه أخته مع أخته تكدا
اشفق على خوة كريم مردد = ماباح في سدي ولا بحت سدا
واشفق على شوف القطامي ليا هد = حيثه ينومسني بشوف المهدا
ياكل بمخلابه ودايم تعود = مايتكل غيره وصيده بيدا
واطرب ليا شفت الربيع أمتلبد = ونسمع لحون الورق سرد ومردا
ومد شوفي مع فجوج الخلا مد = شوفي بمده بالصحاصيح مدا
وأرقا على روس المشاريف وقعد = والنار أشبه والمعاميل رجدا
هذي طرات الروح والله يشهد = ماهمني جمع المرابح ورصدا
لصار يدك لواجب الناس تنمد = تاجد لك ارجال على ماتودا[/poem]وسلامتكم
انتهى
قـــــــــــــاسي وراســـــــــــــــــي
رد مع اقتباس
مواقع النشر (المفضلة)