السلام عليكم ورحمة الله وبركاته
نـجـد
آمل ان تنال اعجاب الجميع
ماجيت حب" فيك ياساحل الشرق
لا ني حبيب" لك ولا أنته حبيبي
رمتبي الأقدار في بحورك الزرق
يالله دخيلك من ردات النصيبي
قلبي مع اللي بعدها حطبي حرق
وابغيرها ما ظن جرحي يطيبي
دار" غلاه اكبر من طويق والعرق
اليوم سميته بنجد العتيبي
لا ياوجودي كل ما لاحبه برق
وجد الكفيف الشوفة اغلاا قريبي
ولا واعذابي كل ما ناحة الورق
أو هايفة شمس العصر للمغيبي
مر" أغني والحق الطرق بالطرق
ومر" دموعي فوق خدي سكيبي
ويالساحل الشرقي تبي تعرف الفرق
شوفه يريح البال وانته تهيبي
ولو انبتة صبخاك قحيان ولا أرق
ولا بحرك اصبح قراح" عذيبي
ماطال وقتي معك ياساحل الشرق
جيتك غريب ومنك برجع غريبي...؟
وسلامتكم
مواقع النشر (المفضلة)