روح .. وخلهم ينفعونك جداد أحبابك ... "قصة من تأليفي أتمنى أكحل عيوني بقراءة تعليقاتكم
[align=center]روح .. وخل ينفعونكـ جداد أحبابك ..
*الحب ....
أجمل العلاقات التي يبنيها الإنسان في حياته ..
متى وجد الحب الصادق عرف طعم السعادة والهناء ..
ولو قرأتم هذه القصة التي نسجتها أناملي .. مع بعض اللمسات الواقعية ..
لعرفتم ...
كم هو جميل الحب ..!
كم هي جميلة الأشواق ...!
كم هو رائع الإخلاص ..!
كم هي رائعة الحياة بكل مافيها من مصاعب وعقبات ...!
بكل مافيها من أحزان وأفراح ...!
والأروع من ذلكـ كله ..
أن تتحقق أمنياتك فيها في النهاية ..
وأن تنتهي قصة الحب ببداية أمل جديد تشرق به الحياة ..
ساره ...
نوف ...
ليان ...
3 بنات من الشرقية ..
وبالتحديد .. من الدمام ..
يشتركون في أشياء كثيرة .. الثلاثة لهم نفس الشخصية ..
نفس الجمال .. نفس الحضور ..
اللهم الأعمار تختلف ..
وكل وحده لها زمنها ..
وكل وحده منهم .. تحب ولد عمتها ...
ونفس الشي ..
كل واحد من هالأولاد يبادل بنت خاله بنفس الأحاسيس ..
ويمكن أكثر ..
لكن ..
صحيح ان الثلاث شخصيات .. يشتركون في أشياء كثيرة ..
بس هل بيشتركون في نفس نهاية القصه ......؟
(1)
*مرت سنة من يوم وصلت رسالة عبدالرحمن لسارة..
لما كانت في رابع ابتدائي .. يعني مشاعرها مشاعر طفله ..!
فيه أحلى معاني الغرام ..:23ar:
ومن الأغاني أحلى الكلام ...
مشاعر رائعه .. وأحاسيس مرهفه ..
تبادلها الإثنان من خلال حروف على ورق لا حول لها ولا قوة ..
كان عبد الرحمن طويل .. أكتافه عريضة .. شعره لاكثيف ولا خفيف ..
لاخشن ولا ناعم ..
أبيض على أسمر ..
بوعيون عسلية فاتحه نوعاً ما ..
ا
للي يشوفه يقول . عبدالمجيد عبدالله واقف .. "بس الخشم يختلف"
على العموم .. أنا ما أقول انه قمر يطيح الطير من السما ..
ولا هو قرد ماينتطالع في وجهه ..
الموووووهم .. يشبه عبدالمجيد فديت خشته ..
كانت طفله وقتها ..
كانت تشوفه أحلى شاب بين اخوانه واقرانه .. ويسواهم كلهم ..
حبها له يزيد يوم عن يوم .. خصوصا بعد رسالته .. مثل ماكان هو مجنونها ويمكن أكثر ..
وأمها كانت تستغرب تعلقها الزاااااايد في عماتها وحبها لزيارتهم في كل وقت ..
خصوصاً لبيت عمتها أم عبد الرحمن ..
كانت تتمنى يجي ذاك اليوم اللي بتحط يدها بيده ويمشون قدام عذالهم ..
يورونهم ان حبهم أكبر من كل شي ..
وأكبر من انهم يفرقونهم لو مهما صار ..
إذا تلاقوا في مكان مايشيلون عيونهم من على بعض , عينه عليها زي الحارس .. وين
ماتروح يطالعها , وهي بعد
يخاف عليها من نسمة الهوا , يغار عليها من كل الناس , مثل ماكانت تحب تروح بيتهم
هو نفس الشي كلما ذبحه شوق قلبه اتصل على بيتهم وقال:
أنا بجي يمكم من زماااااااااااااااااااااااااااااااااااان ماشفت خالي
أبجي أسلم عليه ..
((نصاب يشوفه يوم الاربعاء في بيت جدته ويتصل يوم الخميس,قال أبسلم قال))
ماكانوا يقدرون يخفون حبهم الكبير عن اللي حولهم .. لعنبوا ذا العيون الفضاحه ..
كانت دافورة-على مايسمونها خوياتها- ودايم من العشر الأوائل الكل حاسدها وحاط
عينه عليها وغيران منها.. "أذكروا الله طيب"
على حبها الوفي ..
على مستواها الدراسي ..
إحترام الناس لشخصها ..
حب زميلاتها وتعلقهم فيها ..
كثرة معجباتها ..
على جمالها وشعرها وعيونها ..
محبة مدرساتها ومعلماتها لها ..
على تربية أهلها وتدليلها ..
على وعلى وعلى ..
على كل شي ..
بس الناس .. مايخلون الواحد بحاله .. الا اذا شافوا كل شي عنده احترق ...
&جات خالة سارة من السفر وراحت مع أمها واخوانها يسلمون على خالتهم ..
دخلوا ..
سلموا ..
اقعدوا ..
وكالعاده ..
الخاله ماشالت عينها من على سارة اللي مليانه أمل بشوفة هالبنت مع ولدها عبدالله
على كوشة المسرح والكل يبارك زواجهم السعيد ..
تهمس في اذن أم سارة:
*هذا وهي عمرها 11 سنه وكذا جمالها ..
أجل لا كبرت وش بتصير ..
صرخت أماني بنت الـ 12 سنة (وشكلها ناوية تحرج أحد ) تقول لأمها :
* يمه قومي جيبي الهدايا اللي شريتيهم من بو ريالين بتعطينهم سارة...!
:59ar:
التفتت سارة عليها .. ولاحظت الإحراج في وجه خالتها . وعلامات استفهام حولين الكل
ينتظرون ردها ..
*والله يا أماني .. الهدية ما تنقاس بقيمتها المادية
الهدية .. بقيمتها المعنوية ..
وخالتي لو تجيب لي هدية من زبالة الشارع ..أقبلها ..
وأفتخر فيها بعد .........!
عم سكوووووووووت ع الكل ..
توقعوا ردة فعل قوية .. لكن على مستوى تفكير بنت في صف خامس...!
قالت الخاله:
*حلوة .. وتفكيرها سابق عمرها .. وعقلها أكبر منها ..
ضحكت الخاله بعد ماخلصت كلامها ..
تلت ضحكتها نظرة حقد من عيون أماني متخبية تحت ابتسامة مزيفة
*السلام عليكم ..
قالها عبدالله وهو نازل من غرفته :
*مشالله ...!
مجتمعين ...
هلا والله .. هلا خالتي ..
تو مانور البيت ...
التفتت سارة .. وردت السلام ..
.
.
.
وعليكم السلاااااااااااااام والرحمة ..
.
.
.
شافته ..
هذا هو ..
وسامته تزيد كلما زاد عمره ..
بلونه البرونزي ..
وعيونه المكحلة ..
وشعره ..
الفلافل ...!
مخترع كالعاده .. (واقف) بس الله يخلي الإستشوار ..
وجسمه المرسوم رسم .. وعضلاته اللي ماليه ذراعه :
*أوه أوه ..
سارونه بعد هنا ..!
هلا والله .. هلا وغلا ..
غمزت أم سارة لبنتها إنها تصعد فوق مع البنات ..
لأنها عارفه مشاعر عبدالله لبنتها ..
وخايفه عليها من تلميحاته الطايرة اللي من تحت لتحت وهي أعرف الناس بولد أختها
وحركاته..
طلعت سارة مع البنات فوق ..
وجلسوا يسولفون ويضحكون ..
شوي الا نزلوا يتعشون وظلت سارة وريم فوق ..
ريم أكبر من سارة بسنتين .. بس كانوا أكثر من خوات ..
خمس دقايق دق الإنتركوم ..
قالت ريم:
سارونه ردي شوفي من .. وإذا يبونا ننزل صرفيهم أنا مالي نفس أتعشى ..
وإذا انتي جوعانه انزلي ..
*لا حشا ما أنزل الا وانتي معي ..
ولا انا مالي نفس آكل شي ..
دقيقة أرد ..
* ألو .. نعم ..؟
على الطرف الثاني:
*من أنتي ؟؟؟ريم ؟؟؟
شفيه صوتك صار أحلى من قبل ..؟
*احم احم ..
هلا عبدالله ..
انا مو ريم ..
أنا ساره ..
* ؟؟؟؟؟
من .. ساره ..
احلفي ؟؟
*؟!؟!؟!؟!؟!؟!؟!؟!؟
وليه أحلف .. بكذب عليك ..؟
*ها . لا لا ..
هلا ساره ..
اممممممم ..
شفيكـ صعدتي بسرعه .. مالحقنا نشبع منكـ؟
*لا بس كانت عندي سالفة مع ريم والبنات ..
<<< لازالت علامات الإستفهام والتعجب تحلق حول رأسها
ليه .. تبي شي؟؟
*إي ..
* آمر .. تبي ريم ؟؟
لحظة هذا هي تعالي ريـــ........
* لا لا لا ...
لا تنادينها .. أنا ما أبغاها ..
<< توهقت .. تبي تصرف وما قدرت
*ايوه .. شنو عبدالله ..
* ساره ..
* سم .. معكـ
*أنا ...
أنا ...
*عبدالله .. شيفك؟
*أنا ..
أنا بجي يمكم شوي انتي وريم ..
*بس هذاهي السالفه ..
ماسكني من الصبح أنا أنا علشان تقول أبجي يمكم ..؟
حياكـ الله <<<الحمدلله .. عدى على خير
*لا لا ..
ما بجي ..
انا الحين في غرفتي ..
*؟؟؟؟؟im5
*تعالي انتي عندي ..
تعالي بروحكـ .. ما أبغى أحد معكـ ..
أبغاكـ بموضوع ..
*عبدالله .. أنا ساره ..!
<زادوا علامات الترقيم المحلقة بس بدون الفاصلة والنقطة
*أدري
*إي أشوه ..
على بالي تحسبني وحده من خواتكـ ..
*ههههههههههههههههههههههههه
لا لا . عارفكـ زين ..
يلا أنا أنتظركـ .. باي
*???يصير خير .. باي؟؟؟
صارت الأفكار تروح وتجي بساره ..
وش يبي ..؟
وش هالموضوع ...؟
ليه يبغاني لحالي ..؟
أروح..؟
لا أخاف لحالي ...
أنا مدري وش نيته ..
بس أبي أعرف الموضوع ..
لازم أعرف ..
يلا بروح ..
لا يابنت . على وين
الزمي أرضكـ ..
اللي يبغاكـ يجيكـ لين عندكـ ..
لا لا . ماأروح لحالي ..
إلا بروح .. وش بيسوي يعني ؟؟
تعوذي من بليس يابنت ..
لا روحي .. مسكين ينتظر ..
لا لا .. أي أي .. لا لا .. أي أي ......................
يوووووووووووووووووووووووووووه
أروح .. ولا ما أروح ؟؟؟؟؟؟
وهي بعالمها الثاني ..
حست بتخبط على كتفها ..
*ساره .. ساره ... ألوووو وين رحتي؟
*ايوه .. هلا ..
ايوه ريم .. معكـ يا الغلا ..
*شفيه عبدالله؟
*عبدالله ..؟
عبدالله شفيه .. مافيه شي ..
* أجل من كان يكلمكـ قبل شوي ..؟
*عبدالله ..
*أي وش يبي .. ركزي يا سارة وش فيك؟؟
*يبي ..
<جتها آيديا>
يبيني أنا وأنتي في غرفته .. "هي هي هي وصلنا خير"
*أنا وانتي ؟؟
وعععععععععععع
شيبي فينا ذا .. أنا اصلاً ما أكلمه ولا ني رايحه..
أكيد يبي عشا .. أو يبغانا نعدل غرفته الزباله ..
لا لا . لا تروحين .. ولا انا بروح
*لااااااااااااااااااااااااااااااااااااا
<انصدمت ساره
وش ماتروحين ؟؟
الظاهر ان اختي نورة عنده بالغرفه وطفش منها ويبغاني آخذها ..
تعالي معي نجيبها ونجي .. <<عاش مصرف
*أفففففففففففف طيب
علشان خاطرك بس ..
راحت ساره ويدها على قلبها ..
تمشي خطوة قدام وعشرة ورى ..
ماصدقت وصلت الغرفه ..
*ريم .. طقي الباب ..
*ماني .. انتي طقيه .. ادخلي جيبي اختك وانا بنتظرك هنا ..
*ريم وبعدين معك .. !
بدخل .. وابي أشوفك وراي طيب؟
* أف أف زيييييييين
خبطت ساره ع الباب تخبيطه بالكاد تنسمع ..
*ايوة .. ادخلي ادخلي ..
فتحت الباب .. وهو كان جالس يحوس بجواله <<<مستانس عليه جديد
ريم:
*وينهي نورة .. ما أشوفها ..
نورة .. نورة .. يلا اطلعي علشان نروح ..
وينك حبيبتي نو.....
داست ساره على رجل ريم وتساسرها:
*آآآخ وشووو عورتيني
*اسكتي الله يفضحك فضحتينا .. شكلها البنت نزلت ..
*يلا أجل نطلع ..
*انتظري جعل يطلعونك صايمة متقطعه جوع من بوفيه فندق خمس نجوم...!
<<<كانت جايعه ذاك الوقت
عبدالله:
*انا قلت لكـ لحالكـ يا ساره بدون ضيوف
ريم:
*آآآآآآآآآآآهااااااااااا يعني طبخه من طبخاتك طابختها علي ياسارة ..
انا محد يبيني هنا .. أبطلع < ماصدقت خبر
سحبتها سارة من كشتها :
*اذكري الله واجلسي دام النفس عليك طيبة
*كيفك ياسارة ..
*انا بخير .. بشر عنك ..
<<خقت وقلبها طاح في بطنها
*تمام ..
طيب سارة .. أبسألك سؤا...
اجلسي ليه واقفه؟
*ها .. أي صح .. طيب
* و وش فيه لونك قلب أصفر؟؟
*لا لا ولا شي أبد .. كمل وش السؤال؟
*طيب أبسألك سؤال وأبي الجواب بصراحه...!
*ان شاء الله
*انتي ....
انتي ..
انتي تحبين؟؟؟؟؟؟؟؟؟؟
*ها ... "من قال ها سمع"
<<<<<<<< خخخخخخخخخخخخخخخخخخخ
وش هالبلشة ...!
تقصدني انا؟؟؟
(ياربيه .. وش أقول .. أدري انه يحبني بس أستهبل عليه .. ما أبغى أقوله أحب عبد
الرحمن وأصدمه ..ولا أبغى أقوله لا قلبي خالي واكذب عليه .. وش
السوااااااااااااااااااااة ...؟؟؟؟)
*انا .. ايه احب ..
رد والفرحه ماليه عيونه:
*منهو ؟؟؟؟؟؟؟؟؟؟؟؟؟؟؟؟؟؟
*امممممممممممم ..
أحب ..
أمي ...
أحب ...
أبوي ...
أحب ...
جدتي ..
أحب ....
* لا لا لا .. مو كذا ...
أنا أقصد ...
أنا اقصد ولد ........!
*إيه هذا هو <<< لحوووول وش أسوي
*منهو ..؟
*أنا بكمل بس انت قطعتني ..
*طب كملي ...........
يا بعدهم ينتظرها تقول اسمه ..؛
* أحب ...
أبوي ...
وعمي ...
وأخوي ...
*يووووووووووووووووووووووووووه
ساره ..
أنتي فاهمه وش أقصد ..
فاهمتني زين ..
لا تستهبلين علي الله يخليك ...!
ساره بعد تنهيده طويله :
*لا مانيب قايله ...
*تكفين ...
*نوووووو
*أول حرف بس ..
*امممممممممممممم ...
حرف العين ..
(طاير من الفرحه طاير)
*من أي عيلة ...؟
آل فلان صح "؟؟؟ <<< أول ماذكر عيلته يا بعد هالدنيا
*ساره :
(أوه صح تعالي يا بت هو بعد حرف العين .. لحووووووول .. رحنا فيها)
امممم ...
(توكلت على الله وبقول .. ما بلعب بمشاعر الولد .. بقول والله يستر)
لا .. فلان ..
من عيلة آل فلان ..
ولد عمتي ...!
عبدالله:
*؟؟!؟!!؟!؟!؟!؟!؟!؟!؟!؟!؟!؟!؟
&نوف ...
أم خدود وعيون وساع ..
شبيهة نوال الزغبي .. <<<<<<خخخ بنات الأهل وتريقاتهم
كان حبها الأول والأخير "فيصل" ولد عمتها
هو كل طموحها .. وأملها فيه كبير ..
رفضت ولد خالتها وطلعت فيه ستين ألف عيب << حاسبتهن
علشان فصولي ...
كانت في ثاني متوسط .. يوم اللي رجعت من المدرسة وسلمت على الوالده .. اللي كانت
تكلم اختها ام سالم (العاشق الولهان المعرس المرفوض):
*ياختي ولدك وش فيه زود؟ نوفوه ادخلي داخل
(نصابه تاكل كورن فليكس مسوية جوعانه وهي تبي تسمع السالفه)
*بس يمه جوعانه...!
<<<جهزوا علبة مناديل لا تبكي علينا
*خذيه معك داخل
*داخل ....؟
انتي ما ترضين ناكل ع السجاده الجديدة و ,,,,,,,<<<نشبة
(عصبت الوالدة)
*نوووووووووووووووووووووووووووووووووووف ..!
وبعدين معك؟؟؟
انقلعي داخل ...
*طيب طيب ..
أهم شي ما تعصبين ..
كم أم محمد عندنا ...؟؟
*أقول ضفي وجهك .. ولا تكثرين ..
ايوه يا خويتي ..
وتبينها حق ولدك .. تنشف لك رريقك ..
ادري يحبها بس ولدك مو حق زواج وبيت وعيال ومسؤولية
وبعدين وش شهاداته ؟؟؟
ماعنده الا المتوسطة ..
(طبعا العروصه متخبيه وجالسه تسمع)
هذاهو .. قاعد في البيت لا شغل ولا مشغله ..
حتى لو ..
كم مرة حاولنا فيه يساعد أبوه في دكاكين الذهب وعيا ...
ما يلتزم ولدك ..
نادر يروح ..
وأبوه بيظل يصرف عليه طول العمر ؟؟؟؟؟؟؟؟؟
لا لا ...
وانا كلمت أبوها وقال نفس الكلام ..
والبنت بزرة .. لا يغرك طولها وعرضها ...
<أفا يا أم محمد بيضيها !
حتى لو كان حجز بس .. يمكن يجيها دكتور
لا ياختي ..
عسى الله يوفقه ..ويلقله بنت الحلال اللي تسعده وتهنيه ..
لا .. انتي اللي لا تاخذين بخاطرك ..
وش سويتي ع الغدا ...؟
وتطير نوف لغرفتها ..
تكمل الكورن فليكس اللي توهقت فيه ..
-ياحليلك ياسالم ..
أثرك تحب ..........!
والله مو بيدي ..
سبقك فيصل وخذ كل دنيتي ..
&ليان ..
بعد سنين تترقب هذه اللحظة المهمة في حياتها ..
بكرة أول دوام لها في الثانوية ..
كان حلمها انها توصل لهالمرحله ..
وتحس انها كبيرة :
- أي انا كبرت ..
عمي 16 سنة .. خلصنا لعب البزارين ..
خلصنا شغل المراهقة ..
خلصنا سالفة أحب أبلة فلانة وعلانة ..
جا وقت الجد ..
جا وقت تحديد المصير ..
(اختر الحل الصعب) << خخخخخ مدري ليه خطرت هالأغنيه على بالي
هذا انا ناداني مو ليان اللي تغني..!
نرجع حق ليان:
أبي أهلي يفتخرون فيني ..
أبي لو قالوا من أبوا ليان ..؟
رفع راسه أبوي وقال أنا ..
أبي لو شافوني الناس .. قالوا شوفوها هذاهي مرت مشالله عليها لا اله الا الله ..
مدري بنت من .........؟
قالت أمي بكل فخر: أنا أمها ...
أبي خطيبي يفتخر فيني وانا افتخر فيه ..
لو مر قالوا هذا هو زوج الدكتورة ..
وأحلام وآمال كثيرة كانت ترسمها ليان تنور فيها طريقها المظلم .. نحو مستقبل
مجهول ..
أول يوم دوام في العام الدراسي الجديد في الثانوية:
*آآآآآآآآآآآآآآآآآآآآآه يا راسي ..
أحسه ثقييييل مرة ..
وش هالخرمس ..
وين الجوال .......شفيها أمي ماصحتني من النوم ..
الساعه كم الحين؟؟
تو الناس ..
الساعه وحده .. لحوووووول
مبكر ..
مانيب قايمة الحين ..
بظل على السرير ..
يارب كيفهم صديقاتي .. وحشوني المظاريب<<<سبة
تغيروا ولا لأ .. لا وش دعوه ..
بتغيرهم 3 شهور ؟؟؟
من بيصير معي في الفصل ؟؟
الكيميا والفيزيا يارب يكونون سهلين ..
الله يستر من المكتبه .. بنات عماتي يخافون منها مايحبونها<<<قرف يقرفها ماده زايده
مالها لااااااااااااازم
وأسأله ماليه دماغ هالبنت ..
تحاتي كل شي ...
وتحاتي المناهج والمواد اللي وضعت للتعذيب لا للتعليم.........!
على كثر ماهي فرحانه بالمرحله الجديده ..
على كثر ماهي مشتاقه لخالد .. خطيبها "ولد عمتها"
ياليته معها ذيك الليلة يشوف فرحتها بأن مشوار الدراسة قرب ينتهي ..
وإعلانهم مخطوبين رسمي صار أقرب من قبل ..
كتبت الأسماء اللي بتعزمهم على عرسها ..
كلما راحت عرس .. فرت عينها ع الصاله لما حطت في بالها وحده تبي تعرس فيها ..
دورت لها موسيقى تشغلها في الزفه ..
ويوم لقت وحدة حطتها نغمة في جوالها ..
رسمت تصميم لثوب عرسها من يومها في رابع ابتدائي ..
البنت مجهزة كل شي ..
ما بقى الا التطبيق .. و وظيفة لخالد اللي يدرس في الكلية ..
-عقبال ماتجيني يا خالد تبشرني بتوظيفك يارب ..
والله يوم المنى ..
ويمر الوقت بطيييييييييييييء عليها ..
حاولت تشغل نفسها بأي شي ينسيها توترها بس ما نفع ..
حاولت ترجع تنام لكن بدون فايدة ...
أففففففففففففففففففف ..
أخيرا ..
قامت تتثاوب ..
.
.
.
.
إلا ..
.
.
.
.
.
.
الله أكبر الله أكبر ...
.
.
.
.
أذن ..
قامت ..
توضت ..
وصلت ...
ودعت الله بالتوفيق لها وللمؤمنين والمؤمنات ..
حاولت ترجع تنام ..
بس معصي ..
النوم معاند هالمرة ..
وطار من عيونها ..
قامت جهزت عباتها وشنطتها وأغراضها , وحطت الموية تسخن في الغلاية علشان
الفطور ..
إلا جلسوا اخوانها الصغار ..
نوف .. ثاني ابتدائي ..
نواف .. أول متوسط ..
ومرة وحدة ..
سوت لهم الفطور معها .. ياااااااااااطول الوقت
أخيرا ..
الساعه 6 ..
وقام يطلع مفعول التوتر على البنت ...
الحمدلله والشكر ..
ماتمشي زيها زي الناس ..لأ
صارت تناقز ...
وتتكلم بسرعه بسرعه ..
تضحك زي الساحره ..
لبست العباية مقلوبة ..
طايحة مقالب في أمها واخوانها
الناس ..
من الصبح ..
تقرا قرآن ..
تدعي للوجوه الطيبة ..
بس ليان ..
سوت قاعده جديده ..
اوقفوا قدام المراية ...
وقولوا زيها :
أنا في الروضة .. ويا أصحابي .. ساعه اللعب .. وساعه كتااااااااااااابي ..
أعرف أصور وارسم صورة ..
فيها شجرة ,, وفيها عصفورة ...
الله رب الخلق ..
أمدنا بالرزق ...
اذا دعاه الداعي ..
يحقق الأرجاءِ.. <<< نشيدة خذتها في أول ابتدائي ..
أبوها لاحظ توترها الغير طبيعي :
*يبه ليان شفيك ..؟
اهدي شوي .. حتى لو انك رايحه تسجلين طب ماسويتي كذا ..
ترا مستشفى المجانين قريب ...!
*أي أي يبه ..
يلا بسرعه البس مافي وقت ..
الحين بيصفون طابور ...
يماااااااااااااااااااااااااااااااااااااااااااااااا اااااااااااااااااا
انتظروا جالسه تركض ...
يمه يمه يمه يمه يمه ...
*وغمه .. نعم شتبين ..
*ماقلت لك .....!
ماراح تصدقين لو بقولك ....
*خير ان شاء الله شصاير ..؟
*تدرين يمه ؟؟؟
ترى والله والله ..
*أي وشو ...؟
*ترى (ابتسامة خبث)
والله يا يمه ما اكذب عليك ...
*اخلصي علينا ...
*وربي يا يمه ...
(رفعت مريولها تزهبا للقبة)
وربي اني ...
اني ...
وربي اني بروووووووح أول ثانوي ..
وعينك ما تشوف الا الغبار ..
تاخذها ليان ركظة هاربة من أمها وفاطسة ضحك الاا بط .........!
وش صار؟؟
صقعت ...
*أوبس .. آسفه يبه ما شفتك ..
علشان تعرف لو قلت لك يبيلي نظارة ما تصدق ..
*شلون تشوفيني وانتي ملتفته وراك ...؟
الله يهديك بس ..
يلا أبروح أشغل السيارة ..
بسرعه انزلي انتي واخوانك ..
لا تبطوووون .....
....((وش كانت ردة فعل عبدالله بعد ماعرف ان حبيبته موله؟؟))....
....((ونوف .. وش بيصير معها .. وش آخر تطورات حياتها ؟؟))....
....((وش بتسوي ليان في مدرستها الجديدة ؟؟))....
....((تابعوني))....
ناداني ولبيته ..
...ياتفارق ياتحب...
[/align]
رد مع اقتباس
مواقع النشر (المفضلة)