تسوى من الشعب الخليجي قبيله!!!!
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مادمت شاعر واكتب احسـاس للنـاس=وشلـون ماتطلـع بيـوتـي جزيـلـه
لاني اجيب الجزل في وصف الاحساس=والا الهزيـلـه مانـحـب الهزيـلـه
والجـادل اللـي حبهـا مالـه اقيـاس=انشهـد انهـا وسـط قلبـي عميـلـه
اهدي لهااا عقد الغـلا لـول والمـاس=واكتب لهـا احـلا البيـوت الجميلـه
فازت علـى كـل الغناديـر بالكـاس=وصارت على قسـم الدلاعـه وكيلـه
ولاجيت اوصف حبها وسـط قرطـاس=عجـزت دوواويـن القصايـد تشيلـه
حبي لها تـاجٍ تحطـه علـى الـراس=واصبـح مثـل بيـن الخليـل وخليلـه
وان كان تغلب ثـارت لفعـل جسـاس=باثووور انـا لجـل العيـون الكحيلـه
اللي غلاها وسط قلبـي علـى سـاس=ان حبهـااا غايـه وليسـت وسيـلـه
وارموش عيني جيش عسكر وحـراس=من عقـب ماصـارت بعينـي دخيلـه
شيخة تفـاؤل حـب ماتعـرف اليـاس=ولالـهـاا بـيـن الحنـايـا عديـلـه
والله لو الوضـع ماهـوب حسـاااااس=لامشي طريـق اللـي مضيـع دليلـه
منهاا عرفـت ان الغـلا ود وحسـاس=ومنهـا عرفـت ان الاصيلـه اصيلـه
واللحظه اللي جـات وتقـول لابـاس=واقول انا مالي علـى العشـق حيلـه
بس احفظي لي بيـت باهديـه للنـاس=يمكـن يهـدي قلـوب نـاسٍ عليـلـه
هي بنت وحده حبهـاااا مالـه اقيـاس=وتسوى من الشعـب الخليجـي قبيلـه [/poem]
نادر بن جخير
رد مع اقتباس
مواقع النشر (المفضلة)