[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
الكلام احيـان مـا منـه ثمـره=خلّني ساكت وسـوّ اللـي تبـي
ضيّق الخاطـر كلامـك وكسـره=آه .. من كسر الخواطر وتعبـي
واعـد الجمّـال فالبـال عـشـره=كلهم مـا حققـوا لـي مطلبـي
والقصيد إن مر ليلـي وسهـره=احطب ضلوعي و اوّلـع فحطبـي
مختلف فكـر وشعـور وحنجـره=أخطف الألباب واسبيهـا سبـي
والعفو ( توبيخ ) عند المقـدره=مير ماش عراش في راس الضبي
صاحبي يا صاحبـي لـو اخسـره=مستحيـل إن الخسـاره بسببـي
الغبي منهـو يصـدق لـه مـره=والمره ما تصدق الا مـع غبـي
علّمـه لا يزعـجـك بالثـرثـره=عبهلـه كـذاب ومحمـد نبـي
لا يحسبّهـا كــذا بالمسـطـره=فرق بين الأعجمـي واليعربـي
كم قبـر ٍ فـي قبـور المقبـره=يحفره شايب ويدفن بـه صبـي
وكم رجل ٍ شاف شـي ٍ يقهـره=من ولد عمه على شـان اجنبـي
وكانها مابيـن ذنـب ومغفـره=لحيتي تكـرم وكرّمـت شنبـي
الكلام احيـان مـا فيـه ثمـره=خلّني ساكت وسـوّ اللـي تبـي [/poem]
::
سامحونه على القصور ..!..
مواقع النشر (المفضلة)