على كثر الطعون اللي طعني به عجـزت اشكيه
............. وانا بليا الطعون اللي تجيني .. ماتخليــــني
تحوس بحسبة ايامي ولادري عمري وش تاليه
............. وانا خايف حبيبي مـن كثر طعنــاته ينهيـــني
خذتني وقتها الحيره ولا ادري وش انـا اسويه
............. يأني ارضى بعيوبـــه او انــي انسى مــافيني
غرور وقسوه وضيقه جمعها كــل ابوهــا فيــه
............. واحسب انه علـى ظنـي على الفرقـى يهنيني
إلين ان جاني البارح ... جزمت وقلتـها مابيه
............. ولاادري كيف انا قلته ولـكن ماهي .. بيديني
سكت .. ناظرلي بدهشه وانا ماأدري وش ناويه
............. وصمتٍ وقتــها حــطم مــكاني واظلم بعيـــني
انا ادري ماهو متوقع يجي في يـوم انــا اخليــه
............. وانــا ادري ماتــوقع تنتهــي مابينــه وبــيني
هدوووء حطم اعصابي سكونٍ مادري وش خافيه
............. بعــد يمكــن ربــع ساعه تفــجر قــام يبكينـــي
بدا ينطق علامك رحت تكلم .. قول .. كيف وليه
............. وهــذا وانـــت ياقلبـــي وعدتـــن ماتخليـــني
طلــبتك لاتــجافيني وقـــلبي تكـــفى لا تـــجفيـــه
............. تـــراه يضيـــع مــن بــعدك طـلبتك لا تجافيني
احبك واعشقك واعشق ترابن شفت تمشي فيـه
............. تكلم قلي من بعــدك عــن همـــومي يسليـــني
ترى مافي البشر مثلك اموت بــدنيته واغلــــيه
............. ولا تـــخيب بــك ظنوني طـلبتك قــلي تـغليني
وهو يكمل وانا ساكت غصب اسكت وش ابآحكيه
............. لأني ماني متـوقع يمــوت ويعشـــق سنينـــي
عرفت بقيمتي عنــده ووعـــدته مانـــي بناسيـــه
............. ووعدني يرحم قليــبي ووعـــدني مايشقينــي
دريت ان كــل تفكيـــري غـــلط ياجعـــلني افــديه
............. عسى يسمحلي ذنوبي وعسى عـذري يكفّـيني
وعلى كثر الطعون اللي طعنـــي به انـــا اغليــه
............. ومدام طعـــوني مــن يــده عـساهـا ماتخليني
عساها تعجبكم
تحياتي للجميع
مواقع النشر (المفضلة)