عطني جواب
السلام عليكم ورحمة الله وبركاته
أخواني الأعضاء أعتذر عن الأنقطاع في الفترة الماضية
واصالحكم بهذه القصيده الجديدة التي أتمنى أن تحوز على الشي القليل من إعجابكم ورضاكم
ولا أنسى أن اقول كل عام وانتم بخير بمناسبة العام الدراسي الجديد
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وجهك أبيض يالظروف اللي كشفت غدر الحبيب = ماعليكِ من ملام ولا عليكِ من عتاب
العتاب لواحدٍ لامن نوى يقفي ويغيب = حط عذره في الظروف وساق رجلينه وغاب
لاسالته ياخي وينك قال أنا ظرفي صعيب = هو نسى أني لجل عينه كم تحمل الصعاب
لعنبو ظرفٍ تعرفه كان تبغى تغيب غيب = بس لاتكذب علي وتحط عذرٍ للغياب
قول ما أحبك ماأريدك قولها ماهيب عيب = دام هذا اللي في قلبك والله أنك ما تعاب
لامتى نجامل بعض ونعيش في شكٍ وريب = ما يدوم الحب دام إحنا نعيش بإرتياب
لاياقلبي والله إني من عرفتك وأنت ذيب= وكان منت بذيب ياقلبي بتاكلك الذياب
ليش تبكي واحدٍ منه ملا هالراس شيب = منهو غيره شيّب براسي وأنا توي شباب
منهو غيره فرح العدوان وأبكاني بنحيب = منهو غيره باع عشرتنا رخيصة بالتراب
منهو غيره شب في قلبي بنيران ولهيب = منهو غيره سبّة أحزاني وجرحي والصواب
للأسف خيبت ظني وكنت أظنه مايخيب = آه ياعظم الفجيعة آه ياعظم المصاب
لو تمسكن ما تمكن حتى لو دمعك سكيب = ما أسامح وآتسامح حتى لو الجفن ذاب
حافظ أسلوبك وألاعيبك ياولد الناس غيب = ماتمشيها وأنا اللي قاريك قري الكتاب
صح أنا طيب ولكن مانفع وياك طيب = بأقلب أخلاقي وأوريك القساوة والعذاب
وأبشر بقلبٍ حديدي وأبشر براسٍ صليب= والله يعينك على طعنات رمحي والحراب
والله إن تبطي عظم ما تلقى لجروحك طبيب = لين أشفي فيك غلي وأشعر إن الجرح طاب
بعدها يمكن أسامح وأتركك وأرحل وأغيب = بأتركك ظميان وحدك مامعك غير السراب
في الزمن هذا طريق الحب ما يودي ويجيب = تاب قلبي عن طريق الحب والأشواق تاب
بسألك قلب النهاية ليه أحس إني غريب ؟ = رغم قربك مافهمتك عايش بكل إغتراب
ووليه أحس إني بعيد بعيد رغم إني قريب؟ = قلبي عن قلبك بعيدٍ حيل رغم الإقتراب
وليه أحس أن الزمن في غيبتك صاير كئيب ؟= بس لاشفتك علي مقبل يزيد الإكتئاب
ليه ولا ليه ولا ليه من يقدر يجيب ؟ = كان تبغى نستمر في حبنا عطني جواب [/poem]
وسلامتكم
اخوكم
حزين الحرف
عبد الرحمن سعد
رد مع اقتباس
مواقع النشر (المفضلة)