حبيبي نام ياعمري على صدري وصارحني
حبيبي نام ياعمري
على صدري وصارحني
وفض الصمت باحساسك
وخل الحب لي يجري
وفضفض لي بعد عمري
وعاتبني وفهمني
أنا اطري على بالك
كثر ما أنته علي تطري
تعال أقرب من أحضاني
ترى خدك مواعدني
يبي يلامس شغف روحي
ويقطف بوحي من شعري
تعال أنثر هنا ليلك
وخل ويلك يولعني
أنا أحبك وأبي قربك
ترى مني قضى صبري
أنا نبضك
زهر أرضك
تتوهني يغرقني
ومن بردك تدثرني
وتبكي لي
وتشكي لي
وله قلبك
ومن سحري
أبي دموعك
مع أنفاسك
بصدق الود
تحرقني
وأبي عطرك
مع سحرك
أبي همسك يبعثرني غلا
ولمسك يلملمني
وأبي عيونك من عيوني تذوب
من الولع كثري
وأبي عهدك
مع وعدك
وأبي كلك تسلمني
وتحييني بـ هلا شوقك
حلا ذوقك يشتتني
يلوعني
و
يأسرني
ويملك بالغلا فكري
ابي أيدك تسافر بي
وزهر قدك يلحفني
وأهيم بعالمك عاشق
جنوني أنت
وانت بي تدري
تشوف الجمر بعيوني
تشوف الشوق جنني
اجل تدري
مثل ما ادري
بأنك حلمي يابدري
حبيبي
قوم وصارحني
عن احساسك
وعلمني
أنا أطري على بالك
كثر ما أنته علي تطري
((منقول))
رد مع اقتباس
مواقع النشر (المفضلة)