السلام عليكم :
صباح الخير يابنياتي وشلونتسن الله يصلح نويصر قايلتن له سجلني بالبليه المنتدى
قال يايمه يرسلون لك بالخاص اْرقامهم الله يصلحه بس يحسب الشباب مثله
المهم ماعلينا من الخبل هذا جايبة لكم وصفه للبنات الي بوجيهن حبوب والي بشرتهن
ماهي متفتحه وصفه مجربه والله يشهد علي اني مسويتها ببنياتي زينه وسهله
وخلال ثلاث اْيام وتبين مفعولها بس لازم تداومن شهر عليها لمدة ثلاث ساعات باليوم
وصفه بسيطه ماتخسركم من المبلغ او من البحث عنها بس بشرط قبل كل شي
تغسل وجهها بصابونه طبيه مو تحط مواد كيماويه على وجهها وتحط وصفتي اهم شي
وجهها يكون منظف ومغسول :
ملعقه المر المر تعرفنه اذا ماتعرفنه شوفوا صورته بالاسفل تحتي بالظبط
ثاني شي ملعقه من طحينيه السمسم السائلة بمقدار مايكفي وجهك بس الطحينيه
تكون اْكثر من المر مو طحينيه الناشفه ذيك لا طحينيه سائله بالسمسم
وبعدها حطي قطنه على المر والسمسم وحطيها على واجهك والقطنه تكون تمشي
بالوجهه بشكل دائري وبعدها بياض وبشره موحده وبدون حبوب
بس لاحطيتوا القناع لاتغسلون وجيهكم بالصابون بعده
والله يوفقكم ويوفقني لما يحب ويرضى
واْي استفسار اْو سؤال اْحط رقمي لا لا عيب بعدين يجيني اْزعاج
انتظر ردودكم وجودي بالمنتدى من الساعه 6 الصباح الى الساعه 8 بالليل وعقبعا نوم
اْم تك تك
مواقع النشر (المفضلة)