§][][قصايد في عماها][][§
[poem=font="Simplified Arabic,6,darkblue,bold,normal" bkcolor="transparent" bkimage="" border="solid,4,darkblue" type=2 line=0 align=center use=ex num="0,black"]
اطلب تدلل وانت فيك القصايد=ولولاك لامعنى ولاعروض(ن) وضرّب
نوادر(ن) ماصاغها فكر بايد=شعر(ن) .. بدعته فيك للبعد والقرّب
ضيّعت فيه عيال عيده وعايد= احد(ن) توجه شرق وحد(ن) إلى الغرّب
ماهي قصايد في عماها سرايد= جرب المعاني والقوافي بعد جرّب
وشاعرك ماخذ من زمانه فوايد =وليا سكت محشوم وليا نطق ذرّب
أبدع وامثل عن شيوخ وُبدايد= في سلم وإلا حرب لمدوّر الحرّب
وانت الغلا لك والجزال الفرايد =وحبك شربته مع نسيم الهواء شرّب
عسفت لك قلبي وعيني سنايد=من عيني لقلبي تمخطر .. لك .. الدرّب
ياللي سميّك في حمى الصيد قايد=رابي خلا .. وإلا انت في داخلي أرّب
العين عين اللي معيد(ن) وصايد=ناموس صقاره ليّا علق الخرّب
وليل(ن) .. تثنى فوق متنك رجايد=ماله شبيه بعالم الفرس والعرّب
واثنين صدرك عن بعض في تحايد=وخصرك نحيف وشده الثوب لاكرّب
ومن تحت خصرك بالتواصيف سايد=يحفظك من حاسد ومن وجهه الترّب
وعلى جميع المجتمع رقم زايد=للجمع والقسمه وللطرح والضرب[/poem]
رد مع اقتباس
المشاركة الأصلية كتبت بواسطة البـرواز
مواقع النشر (المفضلة)