موضوع هاااااااامني ودابلن تسبدي من زمااااااااااااااان
السلااااااااااام عليكم وحمة الله وبركاته
مساكم الله بالخير حيا الله كلن بسمه
اليوم جايب لكم موضوع الصراحه دابلن تسبدي
عن المستشفيات في السعوديه
حبيت اني اتناقش فيها وتشاركوني
السالفه ومافيها انك إذا بغيت موعد في المستشفى لطعوك شهرين ثلاثه 6 شهور
يعني تبي اسبوع مستحيل
بالعربي لو ان الموت في يدينهم كان متنا من الوجع وهم تاركينك تنتظر الموعد
نفس مرهـ رحت مستشفى قوي الأمن العام كنت ابي اسوي تنظيف للأسنان
المهم تدرون متى حركت من البيت الساعه 30 ،2 في الليل عشان انتظر لين بعد الفجر اخذ رقم
المهم صلينا الفجر بعد ماطلع الصبح وزعو الأرقام علينا جلسنا لين الساعه 30 ،7 عشان
الموضفين يداومون المهم مادخلت إلا على الدكتور الساعه تقريبا 9 إلا ربع
الدكتور ماقصر ماسوى شي جالس يطالع في النيرس وش تسوي وهو متفرج بس
قلت يادكتور انا ضروس العقل دابلتن تسبدي وفيها واحد يكهربني المهم شيع الفك
قال ضروس العقل مالها داعي شلها كلها في امريكا يشيلونها لأن نسبة الأكل فيها 5%
وتنظيفها صعب والألتهابات والمشاكل منها
قلت عز الله انك صادق هي من البدايه ماخشت مزاجي اجل بشيلها احسب انه بيشيلها في نفس
اليوم عطاني موعد تدرون متى بعد شهرين وعليها عشان اشيلها :9ar:
جيت في الموعد دخلت على دكتور ثاني مصري شاف الإشعه قال خلاص عندك موعد
للعمليه قلت متى قال بعد شهرين :9ar: قلت يادكتور تكفى نخيتك ياولد
شهرين طويله انا ضروسي ذابحتني وهي مافيها إلا العافيه
المهم اني قردنته ووافققال خلاص تبي الأثنين الجاي يعني بعد سته ايام
قلت ايه موافق ابيه وانا الصراحه مافي ضروس العقل شي إلا واحد مخروق جنبه
وطالع العصب هو اللي مقلقني والثانيه وكاله جديدهـ
المهم قال خلاص تجي في يوم العمليه صايم ومعك مرافق
قلت زين جيت في الموعد من الساعه 7 الصبح تدرون متى دخلت على
غرفة العمليات الساعه 11 يعني الظهر المهــــم
اول مادخت غرفت العمليات وانا ابلع العافيه اشوف
واحد صاكينه على السرير مايدري من الرايح ومن الجاي مربط
شوي وهم يسدحوني على السرير ويربطوني بالسبت حتى راسي ماسلم منهم
اول ماصكوني بالبنج يدي ثلجت قلت يادكتورهـ يدي قالت ايه عارفه وتصكني بالثانيه
إلا انا مدري وين الله حاطني فيه ولا قمت إلا بعد ماخلصوا وهم يفكون السبت مني
وحالتي حاله لاعبين في فمهم مخيطينه جلست اسبوع مقدر آكل اي شي بس شرب ولا
اقدر افتح فمي وجهي متنفخ منهم وحلقي << طلعت مثل وجه نبيل شعيل من كبر وجهي
ومن اللعانه فيهم شايلين ضروس العقل كلها الأربعه اربعة ضروس في وقت واحد
اخوي يضحك وانا اون وحالتي حاله ويصورني مبسوط
بعد ماطبت شفتي اللي تحت معاد احس فيها مرررررهـ رجعت لهم
قالو هذي من الضرس اكيد يوم شلناهـ تحرك العصب لكن يبيلك فترهـ عشان ترجع
قلت يعني كم قال سته شهور gif22 وانا عاقبت شفتي كل شوي عاضها مدري
ما ادري عنها لين اذوق طعم الدم :11ar:
بعدها اخوي راجع مستشفى ثاني اهلي علم الدكتور عن السالفه
سئل دكتور قال اخوي شايل ضروس العقل كلها قال في كم وقت قال في وقت واحد
قال اخوي لين الحين حي قال ايه قال مشاء الله عليه كيف اصبر مانقدر نشيلها صعبه
لازم على واحد واحد مادريت اني قوي بس الحمد لله اني سلمت ماصار لا نزيف ولا شي
يعني من الكسل فيهم ماشالو على واحد واحد كل اسبوعين على الأقل
ولو اني ماحاولت فيه كان ماشلتها إلا بعد 4 شهور
وازيدكم من الشعر بيت يقولون ان المستشفيات الحين استلمتها شريكات يعني الله يعينكم
بتروحون غلطات طبيه والله يستر عندي عمليه بعد اسبوعين
يعني انتم وش رايكم في المستشفيات اللي يتعلم فينا واللي يلطعنا في وقتن بعيد
وش السوات
وسلامتكم
حـــــــــــــيران
المشاركة الأصلية كتبت بواسطة الهوى الغايب
مواقع النشر (المفضلة)