عيال خالتي>>>قتالين القُتله
يسعدلي صباحكم\مساءكم
صاحيه بدري مدري وش ابي من صحيتي هالوقت!!
وطبعا وانا كالعاده امارس هوايتي من تجميع صور
طاحت عيني ع صورة ارنوبه تزززنن تشبه ارنوبتي
الي قتااالوها قتالين القُتله >>عيال خالتي
بس ارنوبتي اصغر واحلى شوي
قلت خل ارز صورتهااا
واسدح لكم قصتي مع ارنوبتي والمجرمين<<والله ينفع يكون عنوان قصة>>
يالله نبدا .........
كانت عندي ارنوبه تززنن اسمها صوفي(الله يرحمهاا ))
جتني هديه من خالي لانه يعرف اني اموت في الأرانب
وكان فترة صيف كانوا خالاتي كلهم مجتمعين في بيت ابوي الكبير
طبعاااااا كانت اجوا دجه وناسه وهيص وكل شئ واناكنت مبسوطه حيل بارنوبتي انا والبنات ياحنا مهتمين فيهااا لدرجه
نروشهااا يومياااا >>حركاات بشور زهور الريف التوتي
واحط لها مناكير وانواع الربطاات دلع×دلع ذيك الارنوبه
وياويل ياويل بس الي بيقرب من قفصهاااا
طبعا بما انه انا دلوعة الشيبااان وخل بس احد يزعلني ابوي الكبيريلعن خيّره وطبعاا الشباب مو عاجبتهم حركاتي ودلع جدي ليّ الزايد طبعاا جدي مو انا بس مدلعني كل البنات وكاسر خشوم الشباب واحنا طبعا نحرهم ونرفع ضغطهم >>بحركاتنا!!والي في امه خيّر بس يزعلنا !!
المهم مالكم بالطويله
في ذيك الفتره من ماكل الجو في البيت صوفي (ارنوبتي )
بس انا ماخلي احد يلمسها وعيالي خالتي
يبي يموتون بس يمسكونها شوي ويلعبون معهاااا<<بس انا ناشبه لهم
(الارنوبه )ودكم تاكلونهااا لو شوفتهااا مرة تزززنن
وش سـوّو حسبي الله على عدوهم انتظروني لين نمت
وصار يتحاااذفونهاااا من فوق الين تحت
محمد فوووق ومنصور تحت
ايش يسوي محمد يحذف الارنوبه عليه تحت يقوله اتحداك تمسكهااا والثاني اذا مسكها مره بالغلط حذفهااا عليه فوق وطبعا الطيحات اكثر من انو يمسكونهاا>>>والله لو تدري عنهم جميعة الرفق بالحيوان اذبحتهم بس زين مالنا في هئية الامم المتحده ولا كان كل عيال خالاتي متهمين بقضايا اجرام
ضد الحيوان
الارنوبه كانت صغيره طبعا ماتحملت ماتت ع طووول
اهم خافوا مني لانهم عارفين انه بتصير مناحه بالبيت راحوا رجعوها قفصهااا ولعنوا خيّر الشغاله ماتقولي انه اهم الي ذبحوهاا
طبعا صحيت من النوم رحت ع طووول للمطبخ اسال الشغاله هاه اكلتي صوفي >>الشغاله تناظرني وتضحك
قلت خير وش السالفه !
طنشتهاا ورحت للصوفي اقلبها يمين شمال مافيه امل تتحرك
وارجع لم المطبخ تعلمني الشغاله بالمصيبه >>
واصحي البنات ونروح الحديقه ونحفر قبر وندفهااا ونبكي وحالاتنا حاله... والمجرمين مازالوا نايمين <<
ولما صحواا من نومهم
واهم ينزلون من الدرج وانا بالصاله في حالة حزن
يناظروني نظرات انتصاااار طبعا ابوي الكبير لعن ابووووووو خيرهم
بعدها حلف ابوي الكبير انه مايجبون للبيت اي حيوان كان لانه مايبي ياخذ ذنبهااا لانه عارف عيال بناته مابينهم وبين الانسانيه والرفق بالحيوان اي علاقه كانت
وتوته توته وانتهت الحتوته
وهذي صور أرانب والي عنده لايبخل علي يسحدهاااا هووون
المشاركة الأصلية كتبت بواسطة ¶ بــآرِيــس ¶™
مواقع النشر (المفضلة)