*+* تصرفآت ترفع آلضغط *+*

[نسمة الكويت]

صبآح / مساء أزهار البنفسج





بدون مقدمات بكتب هالموضوع

تصرفات رافعه ضغطي

والزاد الطين بله

التصرفات الجنونيه من الشباب بالعيد

يعني اذا صابني مرض الضغط ماألوم نفسي

هالايام طايحين بموضه

حاطين دوبهم ودوب هالشياب < فديتهم

يضحكون ويتمسخرون

والعناد دخيل الله عليه

طيب عيب عليكم يوم من الايام بتكونون شياب

وكما تدين تدان




الموقف الاول

اول يوم بالعيد رايحين لبيت أبوي العود
بسيارة الوالد كلنا عالغدا ونعايد هناك
وكنا من ناحية البيوت يعني قربنا نوصل
سياره تمشي ويانا بالطريق نوعها جيتي اللون رمادي بأبيض
باباتي فاتح دريشته سلم راعي الجيتي عالوالد والوالد مايعرفه
فجأه يدوس بنزين هــــــــن هــــــــــــــن
وكل اللي بالسياره اخترع واليهال بعدين يصفقون
الله الله استعراض ولايحوشك التقحيص ( التفحيط )
واحنا مصدومين



الموقف الثاني

عالعصر وإحنا رادين لبيتنا
صادفنا واحد سيارته موستنغ لونها عشبي
ومشغل المسجل أعلى شي ولا بعد اغاني سوريه ودبكات
الوالد سكت عليه بالاشاره الاولى وبالاشاره الثانيه
بعد جنبنا باباتي طالع له نظره
وده يشيل عقاله ويمحطه على ظهره
بس حسافه ماتمحط
صفطت سياره ثانيه سلم على راعي الموستنغ
قاله الله بالخير وشغل مسجله ومعليه
صفطت سياره ورا الموستنغ وبعد شغل مسجله عالي
طيب احترموا اللي بالاشاره درينا عيد ومستانسين يالميانين
صارت الاشاره خضره
فجأه يروح راعي الموستنغ وبالاشاره بالسايد سيارتنا
يروح يقحص ( يفحط) وخمسات بعد جدامنا


الموقف الثالث

بس مو بالعيد
ولما أشوف شاب يلحق سيارة بنات
ويترجاهم ويرفع ورقه بيضه وفيها رقمه
صج انه قديم
ومايهمه البنت حلوة او جيكره بس همه يرقم
او واحد ثاني يعني مواكب التطور ابو الشباب
يرفع تلفونه يعني بلوتوث مصدق عمره ابو الثقه
ياحبهم للمذله
ويعرضون نفسهم وغيرهم للحوادث


الموقف الاخير

بعض محاضراتي تخلص عالساعه 5 المغرب
واشوف العجب والعجايب حزة المغرب
لا احترام للأذان ولا شي مشغلين هالاغاني ويرقصون
وبالاشاره بعد
الله يقطع إبليسك لايركبك جني
أذكر مره خفت بالشارع وقريبه من ناحيتنا المقبره
قلت الحين يرافجني جني واذكر ربي واتعوذ من إبليس




** وتعليق بسيط

على الجمل والكلمات اللي تنكتب على سياراتهم
في كلمات تخلي اللي دمه ثقيل يضحك عليهم
وفي كلمات الواحد غصبن عنه ينقد على راعي السياره
ولا بعد اذكر مره واحد سيارته شارجر بيضه
وكيوت معروفه الشارجر
وصابغها بالنص كحلي وحاط كرستال نجوم
وافكورس معلي المسجل
ذكرني بأغنيه لورده الجزائريه قديمه
كانت لابسه ثوب كحلي وعليه كرستال نجوم




همسه
طبعا انا تكلمت عن شريحة من الشباب وليس الكل
واعذروني على عدم ترتيب افكار الموضوع
كتبته بعفويتي عالكيبورد




واترك باقي التعليق لكم




بقلم
نسمة الكويت

[تحب ذاتكـ]

هلا نسمه,

تشكرين ع الطرح الجميل ,

بعض الشباب كذا يحبون
ينكتون و يعبرون عن فرحتهم
بهالامور اللي انتِ ذكرتيها
وما يراعون الطريق
و السيارات اللي معاهم ,
همهم نفسهم وبسطتهم
نسوا وينهم فيه.


ولا عندي تعليق اكثر ,
لان خاص بالشباب
ننتظر رأيهم.

كل الود

[نسمة الكويت]

هلا نسمه,

تشكرين ع الطرح الجميل ,

بعض الشباب كذا يحبون
ينكتون و يعبرون عن فرحتهم
بهالامور اللي انتِ ذكرتيها
وما يراعون الطريق
و السيارات اللي معاهم ,
همهم نفسهم وبسطتهم
نسوا وينهم فيه.


ولا عندي تعليق اكثر ,
لان خاص بالشباب
ننتظر رأيهم.

كل الود

هلا والله بخروزه
أهما من ناحية ينكتون أي والله ينكتون بجنون
وهمهم الوحيد الوناسة ولفت الانتباه البنوتات

بعد عمري خروزه
حياج الله نورتيني ياقلبي

[Rand]

ههههههههههههههههههه

فطست ضحكـ ع سااالفهـ الجني،،

يرفع ظغطي اللى يكتب قبيلتهـ ع قزاز السيارهـ الـ...... والــ..... <<خلاص عرفنا انكـ من هالقبيلهـ،،
ولا اللى يكتبون ايميلاتهم <<محد عندو ايميل غيرهم خخخخخخخخخخخ


تصرفات ترفع الضغط،،بس يكبرو ويعقلو ،،، خخخخخخخخ


يعطيكـ العافيهـ ع الموضوع ،،،

[نسمة الكويت]

ههههههههههههههههههه

فطست ضحكـ ع سااالفهـ الجني،،

يرفع ظغطي اللى يكتب قبيلتهـ ع قزاز السيارهـ الـ...... والــ..... <<خلاص عرفنا انكـ من هالقبيلهـ،،
ولا اللى يكتبون ايميلاتهم <<محد عندو ايميل غيرهم خخخخخخخخخخخ


تصرفات ترفع الضغط،،بس يكبرو ويعقلو ،،، خخخخخخخخ


يعطيكـ العافيهـ ع الموضوع ،،،

هلا والله بغلاوي
دووم نت يووم هالضحكه ياارب
اي حركات يكتبون اسم القبيله يعني فزعه
او انا ولد فلان بن فلان طيب وبعدين
تذكرت واحد سيارته بيضه وكان ايميله كتكوت
طيب هذولا مايحسون بالاحراج اللي يكتبون إيميلاتهم

غلاوي
نورتيني بطلتج فديتج