وسيع البال 0000000000 كتابه متواضعه اهـــداء لكل من يستهوى الشعر والأدب00!
بسم الله الرحمن الرحيم اخوكم (عنجهيــة شـــاعر) هذه مــن اوآئل قصائدي وانشالله المزيد 0هجوس الشعر أذا جتنـي أروض لجلهـا القيفـان
أسـرج فوقهـا علمـي وأنـا مـدرك معانيـهـا
بجزيل الهرج أنا أعسفها وعودهـا علـى الميـدان
أصيلـة لـو يطـول المـاد تبـي تسبـق بياديهـا
أعرف الشعر ذا حقة وأنـا مـا نقـص الميـزان
وصيـة عـود وصانـي وأنـا حافـظ مباديـهـا
أعز الصاحـب الغالـي واداري صاحـبٍ خـوان
حسيبـة ربـة الخالـق أنـا وشـلـون أبهديـهـا
رداة يردة العملة .. بـذل .. ونقـصٍ .. وحقـران
عليـة الميـل .. والزلـة تجيـة وينكـوي فيهـا
ترى العربان ماتكـذب وأسمـع هرجـة العربـان
تمـوت الحيـة الرقطـى تمـوت وسمهـا فيـهـا
ولا تشـرة ولا تزعـل ووسـع خاطـر الزعـلان
ذيابـة مابـة أذيابـة .. تـرى كثـرت حصانيهـا
تصبـر حيـل يـا قلبـي وربـك واحـدٍ ديــان
يسهل لك دروب الخيـر .. يهـون لـك مماشيهـا
وأنت مضغة أذا صلحت يبي يصلح جميـع الشـأن
ويـا قلبـي عليـك اللـوم بأولـهـا .. وتاليـهـا
ولا يغرك هوى نفسـي غـرورة تتبـع الشيطـان
حـد النفـس جاهدهـا تــرى مثـلـك يقديـهـا
ولا تظهـر ابـد همـك تـرى تستانـس العـدوان
وقـول النفـس مبسوطـة ولـو كثـرت بلاويهـا
ولـزوم تميـز العالـم تعـرف الزيـن والتعبـان
لجل تركي على صاحـب لاكبـرت جـاك ينهيهـا
نداوي لانهـض ريشـة يسـرك منظـر الجنحـان
وخـل البـوم فـي عشـة لظلمـاء يستتـر فيهـا
ولا تحزن .. ولاتجزع .. ولا تنـدم علـى ماكـان
( نصيبك لازم يصيبـك ) حقيقـة أرتـاح واعيهـا
ياطير الحزن لا ترفرف وأنا شجرة بدون أغصـان
تجي أخمص .. تروح أخمص .. ولا لك عيشةٍ فيها
أنا ببقى وسيـع البـال شمالـي والفكـر طربـان
أدن النجـر والـدلـة أنــا عيـنـي تراعيـهـا
. . . أخوكم . . .
(عنجهيــة شـــاعر)
وسيع البال
رد مع اقتباس
المشاركة الأصلية كتبت بواسطة عنجهية شاعر
مواقع النشر (المفضلة)