( أكون او لا أكون )
::
::
::
صباح / مساء الخير
تحيه طيبه وبعد
جديده تعبر عن مضمونها
اليكم مع التحيه
[poem=font="Simplified Arabic,5,darkblue,normal,normal" bkcolor="transparent" bkimage="" border="ridge,5,indigo" type=2 line=0 align=center use=ex num="0,black"]
ياحبيبي صرت في حبّك أكـون او لا أكـون = احسم امرك في صفوف الوقت ولاّ انك معي
فاوض احساسك وقلبك واكتب بحبر العيـون = آخر فصول الحقيقه والجهـل ضـد الوعـي
واكتب خطاب الصراحه والرقم خلّه بـدون = يمكن انك تسمع اعلان السفر مـن موقعـي
واقطع بعقل الرجاحـه كـل دربٍ للجنـون = وارسم بعين الحقيقـه كـل ونّـات ادمعـي
وامسح بعطف الحبايب كل دمعات الحـزون = واجبر بلين القرايب كـل عثـرات اوجعـي
من وراءِ الإيكِ غرّدْ قمريَ الرّوضْ بلحـون = أنشدَا بِلْسـان حالـيْ قائـلاً : ليتـكّ تَعِـي
ياحمامَ الدّوحِ مالِي لا أرى خُضْرَ الغصُـون = أوْرِقـي ياشجْـرةَ الـدُّرَِ العتيـده واينِعـي
مقصدي وبكل صراحه ما أبي حبّـك يهـون = غاليٍ من قلب غالـي نبـض قلبـك منبعـي
ان طلبت العمر جالك وش تبي غيره .. تمون = اجلبه لك كاش واسعى لك ورى هذا سعـي
دام عاش الراس من فوق السواعد والمتـون = مايحيد القلب عن قلبٍ سكـن بيـن اضلعـي
ودام جنّات المحبّه .. بيـن نيـران الطعـون = كل فرحه تختفي في وجـه لوعـات النعـي
أجدب العمر الربيعي ماهما هـاك المـزون = صار قاع القلب يسأل : أيـن ذاكَ المربَعِـي
ياحبيبي والسوالف معـك تبقـى ذو شجـون = والأصل يبقى اصل لو فرّعوا منـه أفرعـي
أعلم بأن الوفـا ... ماغيّـره مـرّ السنـون = واعلم بأن الخطا: مقصـود وآخـر مطبعـي
ولاجل مصلوح المحبّه كل مايصعب يهـون = ولاجل جوع القلب نعطي شوق حتى يشبعي
دولـة العشّـاق والجنسيّـه اتسجّـل بـدون = عشت فيها ماوصلـت لمبتغـاي ومطمعـي
مايـردّ الأمنيـات إلا : المفـارق والمنـون = ولايردّ الموت لي من جـا كثيـر الأدرعـي
ولارقيت إلا المعالي .. ماهويت إلا الفتـون = وكل حلمٍ في عيوني زارني فـي مضجعـي
جازلي بدع القوافي .. جازلي طرق اللحون = تلتجي فيها مشاعر مـن عيـون ومسمعـي
ياحبيبي فِيّ .... لاياخـذك شـكٍّ أو ظنـون = أغربي ياشمس من بيـن الحنايـا واطلعـي
مقصدي في جوف قلبك ياأكون او لا أكـون = احسم امرك ( ياتغادرني او تسافـر معـي ) [/poem]
وسلامتكم
نواف المطيري
رد مع اقتباس
المشاركة الأصلية كتبت بواسطة نواف المطيري
مواقع النشر (المفضلة)