أمي تبي الفكه مني تصدقون؟؟؟!!!
بسم الله الرحمن الرحيم
السلام عليكم ورحمة الله وبركاته
موضوع اختي رثاء الروح (( ما أصلح أصير خطابة )) شجعني أقول سالفتي لكم هنا وأرجو منكم التفضل بإبداء الرأي بكل صراحة وأريحية <<<< متعوب عليها هالكلمة
ما أطول عليكم بالمقدمة وخذوا السالفة من طق طق لحد سلام عليكم
في اجازة عيد الفطر رحت اجيب الماما من عرس قرايب لنا <<<< الماما عاد اخس ياللبناني
وفجأة إلا امي تسألني عن اخت العروسه وتقولي:
جنون إنسان وش رايك في فلانة؟!<<<< أخس أما عاد أمك تناديك وتقول جنون إنسان كثرلي منها :6ar:
قلت وبكل براءة : فلانة ماغيرها..
قال امي : ايه ماغيرها
قلت : اخبرها حبوبه وابوها واخوانها وامها كلهم ونعم فيهم وهي من بيت معروف وطيب الذكر
قالت امي: زين أجل مبروك :29ar: عموماً انا خطبتها لك وخلاص كلمت أمها اليوم بالعرس وهي موافقه
قلت : وشو!!!!!!!! :9ar:
وكأن لسان حالي يقول: ياربي وش ذا التوهيقه :18ar: ، ليتني مامدحتها ولامدحت أهلها ، ورطتني بالعرس وانا ماني قدة للحين لاراس مال ولا بيت جاهز ولا استعداد نفسي أقل شي :11ar: :wink:
قالت امي : ليش كنه ماودك بالعرس وانت توك تمدحها؟!! يعنبو دارك استح عمرك اربعه وعشرين الي قدك متزوجين من سنه وسنتين
قلت وانا خايف : يمه هذاك اول يوم عرسك انتي وابوي الحين الواحد مايتزوج الا وهو صاك 28 بالراحة
:11ar: :11ar: :11ar:
قالت : انا بكلم ابوك وبنشوف رأيه بالموضوع وقفل السالفة <<< يعني بلهجتنا يا أهل المنتدى كذا :55ar:
ومالكم بالطويلة دزيت لأبوي وقلتله ترى مابي اعرس الحين واقنعته بطريقتي الخاصه
والحمد لله وقف في صفي لكن المشكلة امي
باسها شديد اسم الله عليها ولاحطت شي براسها لازم يصير
والى اليوم وهي تكلمني بالموضوع بغض النظر عن الوالد وكلامه وانا لحد الحين اتهرب منها
والي قاهرني أن امي قامت تميلح معي
كل شوي ترسلي مسجات بالجوال اشعار وقصايد عن الحب ،، شكلها تبي تحنن قلبي للعرس
والا تسويلي كل الأكلات الي احبها واذا جيت آكل قامت تقول إن شاء الله اذا اعرست بعلم مرتك كيف تسويلك أكلك الي تحبه ،، وانا تنسد نفسي عن الأكل واقوم
ومايمديني أقول كلمة الا نطت امي وقالت لي سم ولبيه
أدري أنها تبي تفرح بي
بس بهالطريقه والله بتنكبني وبتنكب بنت الناس معاي
والا اشرايكم؟؟؟
ولا اأنسى وقفة اختي ساحبة على الدووونيا معاي في البيت واشكرها جزيل الشكر
هذي قصتي وقولولي رأيكم بليـــــــــــــز
دمتم في حفظ الله ورعايته
المشاركة الأصلية كتبت بواسطة حبيبتي حطمتني
مواقع النشر (المفضلة)