[align=center]عارفة ياأمي انا نفسي في ايه
نفسي في كتف حنين ياما
اميل راسي وابكي علية
نفسي في حضن القاه دافي
يضم همومي بكف ايدية
نفسي اعيش العمر سعيدة
من غير ما أسمع كلمة ليه
عارفة يا أمي لما أجي أصرخ
الائى صوتي ما بيطلعش
وكمان لما أفكر احلم
الائى الحلم مايتحققش
واحضن خوفي ويا ظروفي
واقعد ابكي
حتى الدمعة ما بتطلعش
شوفتي يا أمي وصلت لأيه

عايزةاهرب مني اليكي
وأحضن صدرك
وابكي عليا وأبكي عليكي
بس الدمع مخاصم عيني

يمكن ده تأثير الغربة
ماحنا يامي في قلب الغربة
زي الميه في قلب القربة
حاجة بسيطة ترج اوصلنا
وتوصلنا لحد الخوف
لما اتحكم فينا الرعب وعبى الجوف
اصل الدنيا غريبة يأمي
ما بترحمش لأي ظروف
عارفة
أنا اوقات بحتاج لوجودك
تفضلي جانبي
بس بخاف علي رعشة قلبك
وتشيلي همي
وبفتكرك لما كنت أنا بحبي
وانتي تسمي
فاكرة يا أمي
فاكرة لما دخلت الروضة
وعلقتي لي لعب في الأوضة
وحضرتي لي قلمي وكرستي
والمريول مكوي علي الموضة
فاكرة يا امي
فاكرة حنانك وطيبة قلبك
انا دلوقتي ما بحسوش
اصل الحب يا أمي نسيتة
وان يوم شوفتة معرفهوش
بعد خروجي من حضنك يا اما
وبعد حنانك أي حنان
ما بعشهوش
__________________
دع الأيام تفعل ماتشاء وطب نفسا اذا حكم القضاء ولا تجزع لأحداث الليالي فما لحوداث الدنيا بقاء[/align]