قصيده للشاعر محمد الدحيمي


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فوز .. وشـ.. معنى الحياة وتالي الحي التراب ؟ = مقـبـره .. والـمـيـت والله مـاتــرده مـقـبـره
فوز .. لاصرتي مره تدريـن ليـه الظـن خـاب = وليـه ابونـا آدم مـن الجنـه خـرج سبّـة مـره
فوز .. ماتـروي مهاميـه الـزراج إلا السـراب = والهبـوب الذاريـات أصـفـى ملامحـهـا أغـبـره
فوز .. ويشـ.. الصاعقه تاخذ من البيت الخراب ؟ = والأمل كهل(ن) بكـى يومـن ضحـك شيـب أشعـره
فوز .. لو تطمـن مشاريـف النوايـف للهضـاب = وأستوى الغارب على حـدب السنـام .. اش نخسـره ؟
لا الذره كانت ذنوب .. ولا الرحـا مـن الذنـب تـاب = وحكمـة الله يالرحـا تاطـا عـلـى خـشـم الــذره
والبعيـر اليـا دبـر ظهـره نقـر دبــره غــراب = وأن شكا ضيـم أظهـره وشـ.. بالبعيـر إلا أظهـره ؟
الرضـا مالـه صديـق اليـا زعـل غيـر العـتـاب = والعفـو .. مالـه عــذول .. الا مــلام المـقـدره
كيـف يالتوبـه حضـورك يبـري جـروح الغيـاب ؟ = واطهـرك ذنـب(ن) يصـك الـبـاب دون المغـفـره
يابعـدي والظـن ظـن ولـو فتـق صـدر الصـواب = وأبسـط أقـدار المنايـا .. كــل جـمـع أتبعـثـره
قالهـا الـلـي راح يستسـقـي شهالـيـل السـحـاب = بـدوي(ن) كـان يطفـي القيـض بـظـلال شـجـره
ان ذكـر حيـه وسـم دمعـه عـلـى ردون الثـيـاب = وان ذكـر ميتـه .. عقـل زامـل ذلـولـه وانـحـره
وشاعـر(ن) ماسخـر أشـعـاره لتلـعـات الـرقـاب = أجـودي(ن) .. مـيـر دق الفـقـر بـابـه وأقـهـره
وأقسمه نصفيـن حظـه نصـف بأحـزان وعـذاب = و ( نصفه الثاني ) .. خذاه ( المـوت ) يـوم أستكثـره
ما نشد ( يوسـف ) عـن الغـي و قميصـه والذيـاب = ولا نشد ( يعقوب ) دمعه وشـ.. خـذا مـن محجـره ؟
راح يحدي له حيال(ن) وغفلـت .. راحـت .. ذهـاب = مالهـا وصــف(ن) يبيـنـه ( النبـيـه ) ويظـهـره
ما بقـى الا .. فاطـر(ن) لا هـي مسـوح ولا ركـاب = لاظـمـت تـشـرب بجـلـد حـوارهـا مستبـشـره
المصيبـه لا رمـى الـفـارس بـصـدره للـحـراب = مـادرى أنـه كـل حصنـي فـي بــلاده عنـتـره
فوز .. لا صرتي ( مره ) تقرين صفحات الكتاب = وتعرفيـن أن الزمـن رجـال .. لا صرتـي مـره
و تعذريـن اللـي قفـل حظـه بوجهـه كـل بــاب = وانفتح له بـاب .. لكـن كـان .. بـاب المقبـره[/poem]