[align=center]

قصيدة أعجبتني في أحد المنتديات للشاعر السعودي ( ياسر سعود )

أحببت منكم مشاركتي بها 00 أتمنى أن تنال إعجابكم 0[/align]





[poem=font="Simplified Arabic,5,blue,normal,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
الغالي اللي هويت وخـاب بـه ظنـي = اخطـا عليـه ومـر ايـام ماجـانـي

مادام بـادي ولا جـاه الخطـا منـي = خلـوه يبعـد علـى كيفـه وينسانـي

والله ماأسأل عن اللـي ماسـأل عنـي = لو يحرق الشوق قلبـي لـو تحدانـي

ماقول انا في غيابـه صـرت متهنـي = وان قلتها من لسانـي يكـذب لسانـي

والله احبـه غـلا والشـوق جنـنـي = واحب حتى طعونـه داخـل احزانـي

كل شي فينـي بيـوم مفارقـه حنّـي = حتـى عيونـي عتبهـا بلـل اجفانـي

واكبـر دليـل بهـواه ومنزلـه إنـي = ماحـب غيـره ولا دورت لـه ثانـي

احيـان افكـر واقـول اجيـه لكنـي = الوم نفسـي علـى تعذيـب وجدانـي

ترى المحبـه مـن الله مابهـا منـي = وشلون احبـه وهـو يبعـد ويجفانـي

وانا عنادي اشد مـن الصخـر كنـي = يلين بعضـه وقلبـي صلـب مالانـي

وارجع من اول واقول ان خاب به ظني = خلـوه يبعـد علـى كيفـه وينسانـي

حلفت ماأسأل عن اللي ماسـأل عنـي = لو يحرق الشوق قلبـي لـو تحدانـي [/poem]


[align=center]مع أرق التحايا لكم 0[/align]