[align=center]اخواني الكرام
كنت اتصفح في احدى المنتديات ثم وقعت عيني على قصيده للشاعروالاديب الكويتي/ طلب الرداد
والتي يعلن فيها شجبه وتضامنه مع قبيلة عتيبه لما لحق باابنهم المتسابق بشاعر المليون/ يوسف العتيبي
من ظلم من قبل لجنة المسابقه وقد كتبت رداً فيما يلي شكراً وعرفان لموقف هذا الاديب تجاه القبيله وابنها
امل ان تنال الرضى وان تصل الشاعر ويعذرنا على القصور[/align]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أصبحت عتيبي لو ماني عتيبي=.فزعة مع الهيـلا ولباسـة الجوخ
من شانكم يامكرمين الصحيبي=ثورة غضب قامت علي شان مطنوخ
حلفت صادق خاطري مايطيبي=حتي نشوف مضيع الحق مصلوخ
الله يلومك يالخيال العجيبي=تكتب علي صدر الورق حرف مشروخ !!
مافيك طب ولايفيدك طبيبي=دامك عجزت تقارن التيـن بالخوخ !!
جيت متضامن وأستفز الطليبي=لقبيلةٍ في ناظري كلها شيوخ !! [/poem]
[align=center]الشاعر/طلب الرداد[/align]

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ازكى التحيه لابن هاك العريبي = اللي تضامن من حزازات ومشوخ
تلفيه في داره وقبل المغيبي = برد الو فاء من سرعها شبه صاروخ
تحمل وفاء قوماً تهد الحريبي = شكراً من الهيلا كبر خبت صلبوخ
للي شجب ظلماً علينا غريبي = تزعمه خمسه من العالم ادلوخ
مايفقهون الشعر شياً معيبي=من ظلمهم ياصاحي العقل مكموخ
ايجاوب اسباع الخلا بالقنيبي=الظلم ساده واصبح الحق مملوخ
ويوسف ولدنا بالمواقف نجيبي =حراً ولد حراً بداء راس شمروخ
ماينثني حيله بزود النحيبي = ومدافع الاخصام في عينه اشروخ
وحنا معه لازاد حر اللهيبي = فزاعتن وان جاء على دربه افخوخ
نارد حياض الموت شيب وشبيبي=رجالنا ومن السطر شبه ملموخ
الموت في عينه فلاة وشعيبي = ثوب الشجاعه لبس والذل مفصوخ
والشعر نلنا وافره والنصيبي = بكل الجزيره طوع القابه اتنوخ
يرضخ لنا غصباَ بماقف صعيبي =ويصبح لنا طايع وبالغصب مرضوخ
وهاذي رساله شاطحه من عتيبي= شكراً من الهيلا كبر خبت صلبوخ [/poem]
[align=center]اخوكم/ عوض العتيبي[/align]