الــســـلآم علــيــكــم ورحــمــة الله وبــركــآتــه


يــوم جــيــنـــــا نــبــي نــسافــر انا وواحــد صديــق اخــوي الكــبــير

الــمــهـــم مـــريــنـــا واحــــد في فنـــدق الــضــباب

سلمنا عليه وتقهوينــــا وسولفنـــا من العصر لين قالت الساعه ترااني خمس قوموا بتسافرون ولا تبون تطقونها حنك


الساعه طفشت منـــــا :18ar:

المهم قلنا من رخصتك يالغالـــي عاد الشخص ذاا ياربــــي نافــخ خشمــــه

وهو ماعنده ماعند جدتــــي

قسمن بالله لو اقوله بوووووووووه ما اشوف الا غبار كراعينـــه

رخمــه بس دابلن كبدي مهايـــطي

يسولــف علينـــا وانــا يوم كنت في نيويورك كنت وكنت
ورحت لكلورادو قال وش قال تعرفونهــا

شوي واخم كاسة القوهـ واصكــه على فمــه ابيه يسكت

كل اشوي اقطــع سالفتوه مرتن اضحك ومرتن اكلم حموودي

ومرتن اقلب بالجوال يعنني مانيب مع سالفتك

ابيه ينــطـــم فقـــع مرارتي ياعالم images9

المهم قال انتم يوم رحتو لتركيــا كيف كان استقبالهم لكــم

انا انبسطت قلت افتكيت من نصبك واهياطكـ

وانا اناظر فيه اشوي متنح من سؤالــه اللوجستي


سؤال مال اووومــه داعـــي

والله عاد لو اني عبدالعزيز ابن فهد يوم تقول كيف استقبالهم لك :59ar:

قلت والله يالغالي احنا رحنا مع ابو سليمان عامل المزرعــه حقتناا
يعني لا استقبال ولا ارسال

قال انا يوم رحت لأمريكــا

ردينـــــــــــا im6

واناظر بخوي قلت اخذت اوراق عبدالله اخوي

اصررررف ابي الفكــه رااســي انفجررررررر

ساعه يقرقر تقول بالع اذاعة ام بي سي اف ام

قال خويي اي عبدالله ماقالي شي

قلت الا يبي نوصل اورااق

والملعون يتصل في عبدالله اخوي
الو
كيفك يا عووبد
عادل يقول ان عندك اوراق تبينا نوصلها لخويك في جده

قال عبدالله اخوي im6 لا ماعندي اورااق

المشكله فاتحين السبيكرر

انا وجهي راح كبر قوطي الصلصــــه :23ar:

قلت الظاهر اني خرفت

المهم مالكم بالطويله

بعد عنـــــــــــا شديـــــــــد قسم بالله كل اشوي ارفع جوالاتــي
واناظر الساعه

بالاخير قلت له
اسمع يا ماجد

بتمشي ترا ورانا خط لجده

قال الدبشــه المهايطــي
ياحظكم بتروحون لجده

قلت انا

من القهر ايه بنرووح لجده وبنهيص هناك

وانت انطق فيذاااااااااا :3ar:

قال ياليت ماعندي دوره كان خوايتكم بالله اجلسو لايوم الثلاثاء الجاي

قلت انا ما استحملتك دقايق تبيني اجلس معك ليوم الثلاثا واخذك بالصياره

دور غيرها يابو الشبااب

المهم

مشينـــا

اقسم بالله واحنا طالعين من العليا


نفسي ضاقت فيني قلت كيف بترك الريااااااااااااااااااض images8

امي اخواني اصدقائي هندي البقاله اللي يدينيني سن توب وكندر im6 images8

لما وصلنا للقديــه ((طويق))

كان على حول المغرب

شوي يأذن المغرب

قال العسكري اصفطو يمين

صفطنــا اخذ بطاقتنـــا طبعاً كالعاده يشوف علينــا بلاغ

لما نزل خويي للعسكري ورجع قال

عادل عادل تعال تعال

وش فيه

الاديتر مشقووق im6

يخر مويــه مع زيــت القير

ياولد وش السالفــه

قال مابوه الا نشيله على سطحــه

اخذنا سيارتنا على سطحه بــ70 ريال ... اقرب مكان لنا صناعية الدخل

رحنــا للصناعيه اقرب محل اديتراات .. قال انتم مشكلتكم مشكله

وش السالفه يبو هنوود

قال سووف صديق هزا سياره مال انتا خراب كلاس اديتر ودي زبالـــه

وين ودي زباله يالحبيب شاريه من الشرقيه بــ1150 ريال

طلع نسيت اسمــه مير يجيج جنب الاديتر يصفي المويــه عساس ماتختلط مع الزيــت

قال انا موجود اديتر مستعمل يبغا قلت جبوه ينعن ابوووك

قال بــ 350 هذي القطعه اللي خربانه بسيارتنـــا
وشغل يد انا 300 هذي 600 ريال

وتنظيف الزيت بــ 150 هذي ثمان اميـــه

ورح اشتر مويت اديتر جديده اصليه
ورح اشتر زيت قير جديد
المهم 1000 ريال دندناها بالسيارهـ

والهندي قاعد يصلح السياره

انا حسيت بقشعريره في جسمي

وحامت كبدي واطيح وما صحيت الا في مستوصف يقولون وش فيه

قال خويي اكيد جاه هبووط في ضغط الدم

قالت مصريــه دختوره وانا اناظر فيها قلت ياربي انا في الجنـــهConfused33

مصريـــه طرقــــــــــــا ينعن عيونها تذوووووووووووووووب :23ar:

وانظر الا هذا خويي قلت مافلحنا لاحنا بالجنه ولاحنا بالنار انا ويني بووه
قال انت طحت على وانت بالمستشفى

قالت فيه يا ابني

بس هي قالت ابني انا دخت قلت مفنيش حاقه يا قرت عيني
قالت بنعطيك ابــــرهـ

انا سمعت اسم ابرهــ قمت اتراجف لا مابي ابرهـ الله يخليتس :11ar:

قلت لاوالله مافيني الا العافيه احد يشوفك ويقول فيني كذا وكذا
من شافك عزالله شاف الخير بوجهك

قالت لا يابني لازم تاخذ ابره ؟؟

هبووط واخذ ابره اخبر اخذ جلكوز (( مغذي))

قلت يادختور انا فني تسكير بصمام القلب قالت اجل خذووه على أأرب مستشفى
يعني اقرب مستشفى

قلت لخويي رح جب لي بطاااااااااااااااااااطس وخلهم يكثروون الملــح

جاب لي بطاطــه واقعد ابلع ابلع ابلع وازرط من هالبطاطس

كأني بباي والسبانخ اللي ياكلهااااااااااااااا

شوي الحمد لله احس براحــه
قالو استريح
وانسدح على السيرير

وهذي فلبينيه تجي عندي وهذا سعودي يجي يقول سلاماات

وانا حاط رجل فوق رجل واقول قصيده في المصريـــه الحلوه

<< مستانــس im5

ولما طلعت تعالوآ شوفو الفضيحــه

بدون حذيان اكرمكم الله

حذياني طايحه عند السياره

:23ar: قلت له والله ما ارووح لين توقف لنا لموزين

المسكين اللموزين الاول ماعطيناه فلووس نزلنا ومشا
شكله انتظرنــا وطفش

جاء لموزين رجعت للسياره مامشينــا من الرياض الا الساعه 12
من بعد المغرب لين الساعه 12 امرن لا يصدق يافــتى

كله بسبب عين خوينــا المهايطــي
انا من يوم شفته يقول ياحظكم

الحمد لله والشكر انها جات في السياره

وخسارت الف والفين ارحــم من خسارة ارواحنــــــــــــــــا












بتقولون وش الفايــده من الموضوع الطويل العريض اللي ماله لا اول ولا اخر

ابي اقولكم اذا فهمتو فهموونـــــــــي