[poem=font="Simplified Arabic,6,white,bold,normal" bkcolor="crimson" bkimage="" border="groove,6,white" type=2 line=0 align=center use=ex num="0,black"]
المخيّله لاح لي براقها=والحيا ... علمه ماجابوه الطروش
وطارت طيور الفضاء برزاقها=وان فقش بيض(ن) ماهو وسط العشوش
وخير من جمع الرجال إفراقها=دام ماترغب منصات العروش
وحنجرة بعض العرب خناقها=دام انا موجود مايقدر ينوش
لعبة البيلوت صان اوراقها=حده الأشكل وخمسيّن وُتكوش
وتمرة نخيل الحساء ماذاقها=له ثمان سنين في تمر مغشوش
وتشره اللحيّه على حلاقها=كان ماتدري يابوذقن محشوش
والمراجل عاشقه عشاقها=وانخدعنا فيك يالوجه البشوش
الخطوط الساخنه من ساقها=خاينه يا ام الجدايل والرموش
رحت للغبه وغصت أعماقها=وجبت علم(ن)ماخذيته في قروش
المقافي مانجح لحاقها=خاب سده وان لقانا مايهوش

والأمانه عارف(ن) .. من باقها=ولعنبو رجال يزعل مايشوش

والعراقيه تعرف أعراقها =والعرب ماتجهل الملعون بوش
والله أني مابغيت أغراقها=كان موج الشعر خليته يطوش
والأوادم من تحت خلاقها=والوطن تحميه قادات وجيوش[/poem]

حمدالدليهي الخالدي