أنا ما جابني غيرك أكون اقرب من احبابك
حبيبه؟ لا أبي أكثر اغايض كل محبينك
مدينه في وسط عين يلحّفها دفا اهدابك
أبحيا في طرف وقتٍ وعهدٍ بيني وبينك
يذكّرك الوَله فيني وقلبي يشرح اسبابك
تصافحني بكلامٍ عذب وباقي اللوم فيمينك
تكلم افضح اسرارك أنا مالي بأصحابك
إذا طعنت خناجرهم يجيني منك سِكّينك

::::::::::::::::

من غيابه حبيبي كل شي معيوف
لين عيني تشوف الزين عقب البطا
كل ما قلت هانت عقدتها الظروف
حاسبٍ للظروف.. وجا حسابي خطا

::::::::::::::::

يزهر زماني لو يصادف زمانك
وتحيي ورود القلب نظرة محياك
أشعر بشوه لاغمرني حنانك
وأحيا بموعد يحتضن حلم رجواك

::::::::::::::::

أرجوك يكفيني عذاب امتحانك
يطوي حشاي البين لحظات فرقاك
البعد بعثر خاطري يوم صانك
والقرب حلمٍ ما يتحقق بلياك

::::::::::::::::

لا تعاند الاحساس يا نبض الاشعار
تعال وارض اللي على حقه أخطيت
تعال وشف فرحة محب لك اختار
كني بربيع يا وجودي إلى جيت

::::::::::::::::

ما انخدع في شيء بارق ولمّاع
ولا أقدم للضعيف أمتناني
سري وأحفظه لا يجي يوم ينذاع
آقف ورا كلمه نطقها لساني
ماني على الدنيا شفوق وطمّاع

::::::::::::::::

ليه وضعك يا حياتي ذا غريب
صرت تبخل حتى في رد السلام
دامك الغالي وعن عيني تغيب
المحبة في الزمن هذا حرام

::::::::::::::::