[align=center]
[mark=000000][a7la1=000000][align=center]

حيا الله إللي فاح ريحه كما العـود
الطيب إللي لـي أنـا عنـه مـدة
وافي الخصايل منبع الطيب والجود
من ساس خاله ثـم عمـه وجـده
في غيبته زاد الغلى والولـه زود
الله لنا فـي زيـن حـالٍ يـرده
كم غاب شخصٍ نشدةٍ عنه منقـود
عيـبٍ علينـا نذكـره أو نـوده
إلا أنت ياللي ذكركم سابق النـود
محـدٍ يحـاول يمنعـه أو يصـده
لاشك أنت لديرتك كنـك الطـود
لانزاح عنها زلزلـت منـه خـده
الله يردك قالهـا الطفـل والعـود
ومرات قالـت عجـل الله بـرده





الشاعر/ محمد بن عبدالحكيم الشبيكي- أبو ناصر ( فتى مرات)



[/align][/a7la1][/mark][/align]