اول شي ابداْ بالسلام وبعدين اقولكم السالفة
بس اكيد جا في بالكم اني باتكلم عن عضو
هو مو عضو بس يمكن يكون اشبه بالعضو
عاد انتوا فسروها على كيفكم
:tongue:

المهم قاعدة في غرفتي على النت وفي حالي لا ليا ولا عليا
وشوية اسمع صياح اولاد اخوية في الشقة
يقولوا بسة كبيرة
طيب خير ان شاء الله ايش يعني بسة عادي
ياما شفنا بسس كبيرة في الشارع
مااهتميت لكلامهم وكملت شغلي على النت
شوية ويجيني واحد منهم يقولي البسة دخلت المطبخ وانا اقولهم زي
مادخلتوها طلعوها يقولوا نخاف
هههههههههههههههه
وانا اضحك عليهم اقولهم من جد خبلان في احد يخاف من بسة
اللي يسمعكم يقول شايفين اسد مو بسة
:38ar:

طنشتهم وكملت شغلي على النت
ويجيني غيره ويقولي الله يخليك تعالي شوفيها مو راضية تطلع
اقولهم مو شغلي جيبوا مكنسة وخوفوها بيها وهي تطلع
يقولوا شكلها تخوف مرررررررررررررررررة كبيرة ومرعبة
وانا على بالي انهم يتمصخروا عليا قلتلهم والله انكم تافهين وماعندكم
سالفة اصلا مين اللي دخلها الشقة
قالوا شفناها في الملحق وهي شافتنا وخافت مننا
ودخلت الشقة لانها شافت الباب مفتوح قلتلهم طيب
جيبوا المكنسة الطويلة وانا اطلعها
<<<<<< عندها خبرة في البسس وكيف تتعامل معاهم
:biggrin:

واروح للمطبخ واسوي نفسي شجاعة قدام البزورة وهما ورايا على بالهم
ايش اني باحميهم
المهم ادخل المطبخ واشوف شي غريب ماعمري شفته في حياتي
بسلامتها قاعدة متربعة فوق الدولاب
ولا ريحتها ياربيييييييييييييي وسخة ومقرفة اول ماشفتها جاني صداع
اخذ المكنسة واخوفها ابغاها تطلع زي الميتة ماتتحرك ماعندها
الا نظرات قاعدة تزغر فيا يمة تخوف
ارش عليها موية تفتحلي فمها يعني انها تخوفني
الاولاد ادوها تونة وموية عشان تاكل مسوية نفسها ثقيلة ماتبغى
وهي شكلها ميتة جوع
والله ياهي كبيرة تعبت وانا اخوفها مافي فايدة
:9ar:
رحت غرفتي بعد ماياْست قلتلهم اللي دخلها يطلعها لااشوفها في المطبخ
شكلهم خافوا مني وشردوا
قلتلهم طيب اللي يطلعها اديه 5 ريال
ومساكين يجوها من هنا وهي تروح من هنا مافي فايدة
مو عشاني عشان الخمسة ريال
images11
ياربيييي ايش اسوي في البسة اللي ادبست فينا كيف نطلعها
شوية ويجي اخوية واقوله تعال طلعها
وهو كمان حاول معاها وجع مو راضية تطلع
بس مدري ليه احسها مو طبيعية لاني لما صورتها شفت عيونها تولع
كاْنها لمبة شكلها جنية
:9ar:
ومن حجمها الكبير اللي شفته ودبة مرة قلت شكلها حامل تبغى تولد
ياويلي مصيبة راح تخبصلي المطبخ وبعدين ايش يشيلها هي
واولادها
بس الحمدلله قلي اخوية انها عري :frown:
يعني اتطمنت

طيب دحين انا مالقيت حل من خمسة العصر واحنا نحاول فيها مو راضية تطلع
ابغى الحل منكم انتوا جيبولي طريقة اطلعها من عندنا
<<<<< خايفة تلاقيها فوق سريرها ونايمة جنبها تصحى على شكلها
تجيها سكتة قلبية

دحين رحت شفتها لقيتها نايمة
gif22
انا كرهت دخول المطبخ منها وهي في سابع نومة ولا على بالها
im1

شوفوا شكلها الراااااااااااااااااااااااااااائع اللي يفتح النفس











شوفوا شبشب المطبخ الاولاد رموه عليها ولا تخاف




ترى الشي البني اللي شايفينه جنبها تونة ولا راضية تاكله
عندها عزة نفس
استغفر الله بس ترى خاصمت الاولاد ليش يحطوا النعمة عند الشبشب
im3



اما هنا لاتعليق شوفوا عيونها
:9ar:






كنت احب البسس من بعدها كرهتهم
وسخة وسختلي المطبخ وكركبته بسببها

شوفولي حل
:161[1]: