[poem=font="Simplified Arabic,4,white,bold,normal" bkcolor="transparent" bkimage="backgrounds/26.gif" border="none,4,gray" type=0 line=0 align=center use=ex num="0,black"]
لـك الله ياخفـوقٍ ماصفالـه مـن زمانـه جـو=معاصيره تحمطر فـوق ضلعـه والجسـد ذاوي

اهيم ولابقى لي من فصيـح العلـم كـود اللـو=واغني مـن طواريـق القصيـد وطرقهـا لاوي

انا لي صاحبٍ من عام مركن في خفوقـي ضـو=زبنـت الله مـن فعـلٍ فعلـه بعـودي الـراوي

نزعت له الخفوق وقلت هاك اللي تبي بـه سـو=مادام ان السمـا غيمـة حنيـن وديمهـا غـاوي

فتقت الجيب ادور من صـدوق المستخيلـه نـو=ورجعت العي واصك زرار ثوبي والصدر خاوي

حدانـي يـم جـردٍ للعطاشـا ماتجـود بــرو=وانا أضما من حيامٍ مقتفيهـا بالمحـل شـاوي !!

يسنّدني على بيد الظما والجـوع وارض السـو=ويرقّينـي مراقيـبٍ قفـار وذيبـهـا عــاوي

وانا مالاق لي مـن بـد خلـق الله غيـره هـو=خبت كل الكواكب والبـدر مـن بينهـا ظـاوي

أحبه حـب ماجـا مـن قديـم الوقـت ولا تـو=وهـو عنـي صـدود ولعنبـو غاليـه مايـاوي

وانا من جور صده والذواري وعاصفات الجـو=زبنـت الله مـن فعـلٍ فعلـه بعـودي الـراوي
[/poem]

[align=center]منظومهــ..منقولهــ..اتمنى أن تصل لذائقتكمــ.. الشعرية .الراقيهــ...

دمتم جميعاً بخير لكم :25ar:

وداعاً للحب[/align]