السلام عليكم ورحمة الله وبركاته


كيفكم ؟؟


مشكلتي مشكلة مع أخوي الصغير


أخوي بصف سادس إبتدائي ,, وعنده كمبيوتر ,, وشابك له خط انترنت ,,

ابيه يطقطق عليه على الأقل يعرف شي ,,

المهم علمته على ترافيان

وقلت له عندك الدليل السريع اللي تبي تعرفه رح هناك وتعرف كل شي ,,

المصيبة ,,

قبل اسبوع ,, عندي قريتين في السيرفر 9 ,, وحدة ما اطبها إلا باليومين مرة ,, أو ثلاث ايام ,,

وعلى طول أجي لرسايلي والقاها كلها نهب من القريات اللي جنبي ,,

بالصدفة اكتشفت إن أخوي بالسيرفر التاسع ,, ومسجل في تحالف ,,

قلت حلو ,,

واساله عن التحالف ,, طلع هو مدير المنتدى

يعني اللي يضبط المنتدى في تحالفهم هو !! ,, هههههههههههههههههههه ,,

المهم قلت له سجلني معكم ,,

وقالي ارسل على مدير التحالف عشان يرسلك الدعوة ,,

أرسلت لمدير تحالفهم ,,

وجاتني الدعوة ,,

شوي إلا أخوي يغزيني !!

أنا قلت وش السالفة خبل ذا ؟! .. وأروح وأرسل على مدير التحالف قلت شوف مدير المنتدى يغزيني ,,

راح رد علي وقالي اسمي وقال : أقول لا يكثر بس هههههههههههه ,,

أكتشفت إن التحالف مديره بعد أخوي im22 im22

فاتح قريتين وحاط نفسة مدير تحالف وبإسمه الثاني مدير المنتدى im22

وربي انهبلت أنا قمت أضحك ,,

من جده ذا كيف عرف السوالف ذي ,,

المهم قمت ورحت لجهازة قلت اليوم كلة بعرف وش يسوي ذا ,,

جيت لقيت مواردة فالمخازن على : 3000 وطالع !! ..

وهو أصلاً ما يجيه بالساعه إلا 84 من كل نوع إلا القمح الظاهر 50 مدري اقل !! ,,


سالته ::

كيف جبتها ؟؟

قال واحد ارسلي رقمه السري يقول خلك أنت الكفيل على قريتي ولك كل يوم جمعه 200 من كل نوع ,,

قال أخوي أوكي حطني وكيل عليها ,,

راح قال ما اعرف احطك وكيل على القرية أخذ الرقم السري وحط نفسك وكيل ,,

قال أخوي اوكي ,,

ارسله الرجال الرقم السري ,,

يوم ارسله وأخوي يغير الرقم السري حقها ويخليها مخازن له كل ما بغى ارسل لنفسة منها ,,

ولا بعد مرسل للقرية ذي دعوة يقول عشان لما اضيفة فالتحالف أقدر ارسل على نفسي موارد كثيرة وما يقفلون القرية علي

هههههههههههههههههههههههههههههههههههههههه

وربي جنني ,, وأنا ما استغربت عليه يومه يغزيني أجل كيف الغريب حاس ابو دعوته im22


عاد أنا فكرت وقلت ورا ما أجيبه للزين أبي أشوف وش يسوي ؟؟


بس قلت أخذ رايكم قبل كل شي