جانـي يعايرنـي بقولـه: \"فقيـره\"
قلت الفقر ماهوب في قلة المـال ..!

الفقر هو نقـص العقـل والستيـره
واما بغيرة يا\"....\" نستر الحـال ..

قال: وعلـى فقـرك وكنـك اميـره
تحكي بعـز وتمشـي بفخـر تختـال

قلت: ايه وازيدك من البيـت غيـره
الله عطاني مـن عطايـاه مكيـاااال

وش هو له امشي في حياتي كسيـره
مادامني من خير ربـي انـا اكتـال

مـادام مايسجـد جبيـنـي لغـيـره
أللي خلـق ارض وسمـوات وجبـال

اللي حبانـي نـور عيـن وبصيـره
أميز يميـن الخطـاوي مـن شمـال

مانـي قليلـة فهـم مثلـك غريـره
أمشي عدل واميـل للوقـت لامـال

ماغرني صـوف الزمـان وحريـره
ومهما يضيق الوقت فيّه أبـا احتـال

وكانك تعايرنـي بقولـة \" فقيـره \"
بقول شي(ن)صعـب اشـوي ينقـال

صحيـح امـلاكـك عددهاكثـيـره
صحيح تلبس غتره وثـوب وعقـال

بقول لك كلمـة ولـو هـي كبيـره:
\" عز الله اخطا من مسميك رجّال\"!!!








( '•.¸(`'•.¸ ¸.•'´)¸.•'´)
«´¨`•.¸¸.*¤* منقول لروعته *¤*.¸¸.•´¨`»
(¸.•'´(¸.•'´ `'•.¸)`'•.¸)