السلام عليكم ورحمة الله وبركاته



والله مدري وش جابني هنا .. احس مالي داعي <<<< زين انك داريه

بس بقولكم وش السالفة ..

هذا ياطويلين العمر .. أمس لقينا رسالة كانت كاتبتها أختي اللي أصغر مني يوم انها صغيره لأمي ..

عاد سوالف الرسايل هذي ماركة مسجلة لعايلتنا .. كلنا أرسلنا لأمي وأبوي رسايل
سواء من زود الحب أو ان كنا مسوين مصيبة ونبيهم يسامحونا أو من زود الفراغ

الزبدة .. أحس ان أمي وأبوي لاعت كبودهم من رسايلنا
عاد كنا نحطها تحت الباب وهم نايمين عشان لاقاموا يقرونها


أغلب رسايلنا ضاعت مع أن أمي محتفظة بكمية كبيرة منها ..
لكن أشوا انها مارمت هذي ..

صراحة كل ماأقراها أموت من الضحك .. عندي أخت ماشالله .. مبدعة بالكلام والاحساس
والله لو انها مرسلتها لي .. كان بأقرب شي على وجهها :17ar:

أنا مصورتها .. بس بكتبلكم اللي هي كاتبته مثل ماهو

حتى بالأخطاء الاملائية والنحوية والفكرية ..


الرسالة ::


رسالة من ..... الى أمي وأبي العطوفان
السلام عليكم ورحمة الله وبركاتة
أمي لن أنسا عطفكي ياأمي أرجو أن تقروها أنتي وأبي
أمي أنتي أشترتيلي شاربين (( تقصد شرابين .. الله يفشلك بعد )) وقلم ومسطرة
والشترتيي (( يعني شريتي لي )) كثير أنتي وأبي
وأشتريتو كثير لي أخوتي الكبار والصغار
وكل ماتطلبونة مني أنا تحت أمركم
أبي العطوف لن أنساك أبداً أنت وأمي
كل ماطلبت منكم عطتونياه
حتى أمي طلبت منها لزاق تو عطتنية (( لا ماأتحمل لزاق عاد ))
وأنت يا أبي كل ماطلبت منك شيٌ (( حاطه تنوين بعد هي وجها ))
قدمته لي
شكر لكما يا أمي وأبي لن أنساكم حتى لو كان الزمن طويل (( أروح ملح أنا ع التعبير ))
لقد سجلتيني في التحفيض (( تقصد تحفيظ القرآن ))
كل ماجتني جائزة (( فيه كلمة عجزنا نقراها ))والسلام عليكم ورحمته وبركاتة
توقيع أبي
توقيع أمي

(( وتبيهم يوقعون بعد .. شيكات مو رساله ))





بالله وش رأيكم .. مو أنحسد على هالأخت
يا أني ضحكت عليها أمس أنا وأخواني :8ar:
وبغت تبكي

الله يستر لا يطيحون على وحده من رسايلي قبل




أنشودة المطر