صباح / مساء الزهـر ..}~




الشاعرة// العنود العبد الله


شاعرة استثنائية يجتمع معها جمال الحرف مع توازن الكلمة
عذبة الالفــآظ ..وقادرة على التقاط مواطن الجمال واحترافية عالية في التصوير
وقد حصلت بالرغم من صغر سنهـا 18 عامـاً .على إشادات من كبار الشعراء






......اترككم مع حروفها .....


حيث الجمال مع احاسيسها..
ولتسقينا شهدآ من رحيق ابداعهــآإآ

















شفت البحر لاضاق صدره .. على الفُلْك
...نفسه شعوري لاجتك "لحظة الضعْف"..!!

لاضاق صدرك ..اعتبرني مْـن آهَلْك
...تعااال فضفضلي عن همومك .. وشف

اصير لَك مثل )السحابه(..وابلّلْك
...مع ان جوفي من)مطر ضيقتك(..جف..!!

ماكان قصدي إني.. بهمي اشغلْك
...بس حولنا اشياء ..في (قمممة السُخف)..!!

المجتمع ..والظلم ..واني ماأ وصلْك
.....تجبرني اخنق مُعظم .. انفاسي بـ :أُفّ!!

من كثر ماعَرْفِك..آحس اني آجهلْك
...ياللي سكـوتك حد ذاته ... تِفلسفّ!!

تدري وش آحسك ..وآنا آتأملْك
..طفلٍ مُهذّب جالس فـ "أول الصف"

تعاال نغفى في وسط " دفتر السلك"
....تعاال نسمع ..همسة الرف ..للـرفّ..!!

تعال ننـ(ففف) ـخ "شمعة الهم" ...داخلْك
.....تعال نعطي "وجه الاحزان" ....كم كَف..!!

تعااال نرسمنا على .."جْدار منْزِلْك"..!!
.....تعااال نشطبنا من ..."جروووح تنزفّ"..!!

وان كان جيتك ..ذات ليله ..ابسألْك
......عن حبل بُعدك : ليه في عِنْقِي إلتّـف ..؟!

اضحك عليّ..وقلّي معقووله( اقتلْك)..!!
....وآنا ابضحك لك..واقول (ايييه صرّف).!!

يا(حلم عمري) وانت ..اقبَحْك اجمَلْك
......عن عرقلة ركض الأحاسيس بي ..خُف..!!

وان كان جيت مْن الوله ...)ودي آكلْك(
......اصرخ عليّ ..وقلّي : )آحبك بعنف (....!!






:::::
:::::
واطرق على باب حظي واجلس آنادي :
(ياحظي وش فيك/كم لي عام وآنا اطرق؟.


شفني شَعَلْت التفاؤل ....وَسْط منطادي
وشف كيف سكين يآسي/يضحك .. ويخْرق!!


يسرقني الدمع../من بسمات أعيادي
وانا ولاربعِ بسمه../ قادره ... اسرق ..!.


عادي لو آموت ../دام الموت شي عادي
ودام المواجع/مراسي ... :بنتبه و../ اغررررق!



::::::


::::::






ياصاحبي .. خلك معي ..لو تكرّمت
.....والله عشانك إنت ../ ماهو عشاني..!!
اسمع كلامي زين .. دامي تكلّمــت
....وماراح آخـذ منْـك ../ الا ثـواني
"الحين لو صابتني شوكه.. تأزمت
....وشلون لاصبّوا رصاص..فـ أذاني !!"
عرفت.. ليه بوضعي هذا تأقلمت!!
....وليه ..آتكدّر .. لاسمعت الأغاااني!!







::::::
::::::



الصبح .. والجرح .. وانا .. وانتظارك
...... على كفوف الغيم ،، ننتظرك هناك


يمر فينا .. فوق شباك دارك
ياليت تفتح .. لهفة الغيم ، شباك


هذاك داخل درفتينه ، نهارك
... وبرا ظلام .. وخوف . واحزان .. وارباَك


على الاقل .. القى بقايا غبارك
...... ارحم من أني اجلس سنين ، مَ القاك


داخل..صورك اللي حضنها جدارك
....... لوحاتك .. عطورك .. دفاترك .. فوضاكْ


يا أخي كفايه بُعد .. ارحم صغارك
عصفورتينك.. "طفلتك" باقي اشياك


كل شيَ في" حفل انتظارك" يشارك
....... وكل شي يحمل شي منك ,, لذكراك


طريقك وازهار بيتك ،، وجارك
جامعتك.. اهلَك .. ذكرياتك ومقْهاك


الكل مُحبط .. من قساوة قرارك
....... والكل فاقد كل حاجه .. بلياك


سافرت والحْزن ارتمى في مطارك .
......... شوفَه ايلين اليوم يلثم بقاياك


كل ماخنَقك الهم .. إفتح زرارك
وكل مالمست الحلم .. قم حب يمناك


مرجحت غصَنك وارتمت لي ثمارك
......... قَلي متى ؟ يمرجح الغصن؟؟ والقاك؟


مو مشكله: يتبع دمارك.. عمارك
........ المشكله:؟ تتبع عمارك .. خطاياك


الصبح طاح .. وامتلى صبح دارك
...... وناديت: ياشباك ,, مارد,, شباك