مــــــــــــــدخل..
على كثر السنين اللي عرفتك ما عرفتك زين
تمنيت إني ما شفتك ولا لحظة ولا شويه
حسبت أنت وأنا نبقى حبايب نبقى أحلى اثنين
حسبتك تبقى لي طول العمر مخلص وفي ليا
و أثاري حبنا كذبه نسيت العشره في يوميـن
زرعت الشوك أنا بنفسـي غرست الهم بيديا !!

أنا ما كنت أظن اللـي يحب يحب له شخصيـن
على بالي أنا لحالي و حبيبي يموت بس فيـه
عـلى النيـه مشيــت و ما عرفت أمشي معاه لـوين ؟
إليـن الوقت بيـّن لـي نوايـا غدر مخفيــّه
تعـال وشوف وش كثـر الدموع اللـي تخون العيـن
كـثر ما خـاننـي حظي و عرفـتك و إنت مـو ليـه

أنــا شاللـي يصبرني على همي معاك للحـين ؟
خـلاص إبـعد و أنـا ببـعد و لا تسأل أبـد فيـّه
و إذا قصدك تبيـع و تشـتري قـلبي أنـابحرفيـن
أبمحـي الحب مـن قلـبي و أعيـشك ذكـرى منسيـّه
أناني مثـل ما أنـت و لا يفرق معاك البيـن
و أنـا مـاعاد تعنـي لي و خساره فيـك ماضيـّه !!

يمكن الكل يستغرب من هذي الكلمات وليه حطيتها بهالقسم لكن للاسف هذي كانت اخر كلمات سمعها عاشق من معشوقته
او بالاصح اللي كانت خطيبته...

انا اول مره احط موضوع في قسم النقاش .. وما اعرف كيف اطرح بصراحه..
لكن باطرح الموضوع وباترك لكم النقاش فيه...
تخيلوا معي لو انت\ي من طفولتك حبيتي شخص اختارك من بين هالناس هي كلها...
وكبرتي والحب يكبر معاكم .. وكل مره يتكلم عن اليوم اللي راح تجتمعون فيه...
ويستمر الحب لــــ 6 سنين وتتم الخطبه ويزيد الحب اكثر ويكبر كل يوم وتزيد 6 سنين 3 سنين وتصير تسعه
وبكل بساطه تلاقين الشخص تسيطر عليه امه بان فلانه مو على ذوقي ابي اختارلك على ذوقي.. علما انها خالتها يعيني مو غريبه عنها <<ليه ماتكلمت من البدايه وقالت ماتبي البنت..؟؟
وطبعا تنفسخ الخطبه ويروح الحب والبنت هي الضحيه.. وبكل قوة عين يتصل فيها ليه..؟؟ يبي يعزمها على زواجه ويبررلها انه ضحية..وفوق هذا كله كل الهدايا اللي كانت بينهم يروح يعطيها اخوها ويقوله اعطيها فلانه << يعين ما يعرف يرميها من نفسه ولا لازم التجريح..؟؟
بصراحه لك يا ادم لو انت مكان اخوها وش بتكون ردة فعلك..؟؟
بصراحه اخوي ماقصر ربي لايحرمني منه..
ونسيت اوضح انه بعد حب عشر او تسع سنين .. بكل سهوله بعد مافسخ الخطبه خلال السنه نفسها الا هو خاطب ويومين ويتم زواجه..
ما ادري كيف كتبت الموضوع لكن اتمنى وصلتلكم المعلومه صح...
واتمنى الكل يناقشها بجديه لاني وربي مقهووووووووووووووره من حركته..
طبعا القصه هذي صارت لاختي الصغيره مع ولد خالتي...
ارجع واقول انا مالي خبره في طرح المواضيع ..
ودي رايكم بكل صرااااااااااحه...
؟؟؟؟؟؟؟؟؟؟؟؟؟؟؟؟؟؟؟؟؟؟؟؟