دنـيا رديه مابها احد ما خان.,

***********************

لوخســــــرتك ماخسرت العمر والدنيا متاع...
وأدري إني لوخسرتك ماخسرت إلا القليل..
بس فكر زين.. تعرف من خسر فينا وضاع...
وتعرف انك لوتلف الأرضـــــــ...وتدور بديل...
والله ان تبطــي ..ولو لفيت كل البقاع..
ولوتسوي وش تسوي ما أنت لاقي لي مثيل...
وين تلقى مثل شخصي شخص وطباعي طباع...
ووين تلقى مثل قلبي قلب.. أومثلي خليل...
البشر واحد..نعم.. لكن فرق الأنطباع...
يجعلك يمي تميل.. ويم غيـــري ماتميل...
يارفيقي إنتبه ..! وأحسـن إلي الأستماع...
للمواقف دور في كشف المزيف والأصيل...
وأنت ماقصرت فيني موقفك جدا شجاع...
طعنتك بالظهر فعلا كانـت إثبات ودليل...
بيض الله وجهك اللي ساترهــ تحت القناع ...
ورايتك بيضا معاي وياعسى عمرك طويل...
يعني أعطيك الثقه وتردها بلوي الذراع...
ياخي ماشالله عليك ابدعت في رد الجميل.
مدري كيف اشكرك؟؟ مدري كيف أرد الصاع صاع؟..
كنت احسب إنك عزيز النفس تطلع لي ذليل...
كم وأنا عيت أصدق فيك قدر المستطاع...
من غبائي كنت أسكت وأعذرك وأثر الحصيل ؟..
جرح قلب.. ميزته في كل يوم الإتساع...
ودمع عين ينهمر من ضيقتي.. في كل ليل...
والله إني كنت أحــبــــك حب وأتبعك إتباع...
كنت لجل أرضي غرورك بس أسوي المستحيل...
كنت أعمى فيك.. لالا كنت ميت للنخاع..
كنت مدري كيف؟لكن كنـــــــت صادق معك حيل...
كنت أمارس في غرامــــــــي لك سياسة الأنصياع...
وكنت لاغي معك فكرة أعتزل أوأستقيل...
إندفعت بكل مافيني..وســـــوء الإندفاع...
يجبر الإنسان أحيـــــانا..يفكر بالرحيل...
صدمتي فيك إنت..خلتني أفكر بإقتناع...
إنفجر راسي من التفكير وإزداد الصداع...
كيف أنا بفتك من جرحك ودوشة<<قال وقيل>>
صرت سيره في حلوق الناس وتالي هالضياع...
أنتحر!!معقول؟؟يالله وش هذا الغليل؟؟..
رحمتك يارب لامن ضـــــــاقت امنحني الوساع..
إنت حسبي في الزمان الجاير ونعم الوكيل..
لاغدى<مستقبلي والماضي>أطراف النزاع...
وصفحة الماضي سواد وشئ من هذا القبيل...
فلازم أنسى لجل أنهي بداخلي هذا الصراع...
ولازم أتقوى.. عشـــــان أحقق النصر الجليل...
وطالما إن الهجوم أفضل وسيله للدفاع...
مستحيل أرضخ لو إن الحمل ياربعي ثقيل...
والبخيل اللي نساني وإشترى فيني وباع...
يروح بسلامته والله بجرحي كفيل...
وإن سأل عني وجاكم بعـــــــد إنقطاع...
علموه إني نسيته بس أنا ماني بخيل...
طالما كان السبب في قوتي قبل الوداع...
بلغوه أقل شئ بخالص الشكر الجزيل...

منـــــــقول..