السلام عليكم ورحمة الله وبركآته


اسعد الله صباحكم بكل خير ومسرة


البلاك بيري


مافيه احد منا مايعرف وش هو البلاك بيري..؟
اصبح الشغل الشاغل للشباب والبنات .. مثل الوباء انتشر بشكل سريع وكبير .!
اثبتت دراسات إن له تأثير على المخ .. لا أعلم عن مدى صحتها ..
لكن فعلاً يشتت الذهن .. يفقدك التركيز .!
وللأسف إني من مستخدمي هالخدمة .. انفصلت عني الخدمه تقريباً كم يوم ..
والله حسيت بفرق كبيررر .. ذهن صافي .. بال مرتاح مافيه طن طن طن > ازعاج الرسايل
تقدر تفكر وتسرح بفكرك شوي .. يعني هالبلاك بيري مسبب شوشرة
ووصل الإدمان لبعض الشباب إنه يسولف بالبلاك بيري وهو يسوق السيارة .!
والله أعرف ولد شاب شخصياً .. صار له حادث دخل بشاحنة .. والسبب إنه كان يسولف عالبلاك بيري .. بس يحمد ربه جته سلامات ومافيه الا العافيه الحين :)
وبعضهم يشحن جواله 4 مرات باليوم من كثر ماهو يسولف فيه ..
يمشي بالشارع تلاقيه ماسك الجوال .. جالس بمجلس عند رياجيل تلقاه ماسكه يسولف فيه .. عند أمه وأبوه تلاقيه ماسكه يسولف فيه .. كل شوي وهو نايم يصحى عشان يشوف من أرسل له
والله إدمااااااااااااااااااااااااان

..

رأيكم بالبلاك بيري وتأثيره علينا بالمجتمع السعودي .؟
صارت لك أو رأيت أمامك مواقف بسبب البلاك بيري .؟

المجال لك مفتوح .. هات ماعندك ..




مخرج /




يا بلاك بيري ما عرفناك في خير = يا كثرهم ربعك و خلان ببي
اشغلت خلق الله في صبح و عصير = كنك تقول لنار الاشواق شبي
يا الدب الاسود يا حبيب الجماهير = كلن نقلك و من وراك امتخبي
غزيتنا و اذهبتنا بالمعاصير = ولعت نارن بالحشا تلتهبي
قالوا تميز بالتطور عن الغير = يميز المطنوخ في كل دربي
كشخه و ذرب و شخص جذاب و امير = يرفع مقام الناقص المستطبي
و متخلف و رجعي و يحتاج تطوير = اللي ما عنده دب و معه متربي
ما عم كل الناس في هالتصاوير = لكن به اشخاص(ن) لصوته تلبي
تلقاه ضايع بين ضحك و تزاوير = غايب عن العالم بلا عذر طبي
شات و غزل و حب كذب و تعابير = حلوم ليل امن الخرافه تعبي
بين الشباب و بين جمع الغنادير = من خلف ببي اعذب الكذب حبي
رسايلن من دون منطق و تبرير = قروب(ن)لمدحي و الاخر لسبي
صارت مجالسنا بليا مسايير = بلاك بيري له مضيف و مشبي
انا اشهد ان بلاك كله مخاسير = هبي من المشرق على القوم هبي
في هالزمان اخلفت كل المعايير =نستخدم الموجب على طول سلبي
الغرب يقطع بالتطور مشاوير = و حنا سوالفنا لهالحين ببي ..




:25ar: