السلام عليكم ورحمه الله وبركاته


يسعد صباح هالوجيه السنعه >>ماظنتي ,, امزح امزح ..



اليوم موب صاحيه مدري وش جاني احسه اول ايام العيد قمت اخر كشخه مع الصبح كلن يطالع فيني مستغرب وقاعده اعيد عليهم بعد نومه متقطعه دامت يومين احس نشاطي تجدد وباأخر رواقتي>>والله من الدجه:*


المهم جااء عندنا غدا بسبب حلفان جدي ع واحد من الربع عاد شوفو النذل وش سوا قال واللله من ثلاجتكم مابي شي من برايالهيس الاربد استح من بيطبخلك



تورطنا مع اني والصراحه ماني متعبه نفسي كلش


قلت يابنت خليس يوم حرمتن سنعه وسوي شي زين فكرت وفكرت وفكرت قلت اسهل شي


طبخ عكرة الضب مقبلات طبعا>>لاتصدقونim22


لا الصراحه قلت خلني اسوي زلطه عاد عن نفسي مو من ربعي الزلطه


امي درت بالخبر اني بسوي زلطه قالت بعدي بنتي وتمسكني مع كشتي اصلا موب كيفس بتسوين زلطه يعني بتسوين ,,



ورحت للمبطخ اجهز المواد التي تحتاجله الزلطه جبت مشرط وشاش>>برااااااااا حشى عمليه:*


جيت باخذ ساطور عشان تسهل عملية القطع امي بغت تسطر بوجهي خخخخخخ


ماقبل المعانه :


حطيت ذي يمي عشان أي احد يحاول يتحرش احذفها ع خشته >>ادعس يالواثقهim22>>لااحد يدقق بالمقاس :*



وامي لما تجي تقطع تغني عذروب خلي حسنه الفتان>>اموت واعرف وش معناها


بس شفت الاغنيه ماتحمس قلت خل نغني لربوح عشرة اشياء ويب يب >>ياشين الفضاوه ,,


وبدت المعاناه كالاتي :


آن/ اهم شي القعده والمكان يكون مريح بالصاله مثلا >> يعنني شوفوني:5ar:



دو / نبدا ببشر الجزر كما في الشكل (1-1)im22




تغوا/ يتم تقطيع الخيار مربعات صغيره صغيره


بس قلت مشوار خل ابشرها بس >>والله من الكسل


كاتخ/ اضافة الطماط وصلنا لطماط



الله يديم النعمه ماادانيه بس لازم اعمل باخلاص واتحمل
قطعته بصعوبه فضيعه





واضافة ليمون وملح وفلفل اسود وبالهناء والعافيه



ردة فعل كلن من :


عمي : داخل طالع ويناظرني من فوق لتحت تهقون مشبهني بوحده من الشغلات ولا مستنكر ..


جدي: يمدح فيني ويقول منال العالم عندنا وحنا ماندري
يقال انه بيرفع من معنوياتي اهبي يالعود وش دراه بمنال العالم:5ar:


اخواني : قاعديلي واستهبال وتريقه شف شف شلون تقطع مير انها اكلت نص الزلطه>> مالت عليكم من اخوان


البزارين : مسوين حلقه ويناظرون فيني مدري حسسوني اني احكيلهم قصه:8ar:



والنتائج كالتالي ...


الايجابيه:نص الصحون ملحوسه عاد هنا اخنقتني العبره مدري ليه كذا بس ..




السلبيه : انكسر واحد من اظافيري لو اني استخدمت ساطور اتوقع راحت نص اصابيعي ..






وانتهت قصتي مع السلطه >>قلتها صح مو



انتم سوو زي وماراح تندمون هههههههim22



احس اني مشوار مو ؟؟


لو اني طابخه ذبيحه اريح ..بس اتوقع ردة فعل اهلي حالة اغماء انا اطبخ ذبيحه يامنيتي خخخخخخ



ياذا المشوار ههههاااي



وبس ..,,



يالله بروح مكه امطرت خل نستانس بالمطر