بسم الله الرحمن الرحيم :25ar:

مبروك للجميع افتتاح هالقسم وان شاء الله يكون إضافة لكم ولمتعتكم

ونشوف ان شاء الله تفاعل من الجميع

معروف ان لكل شخص منا نوعية من الافلام تعجبه وتشد انتباه

وكثير افلام راسخه ماننساها ابد ونتذكر حتى الحوارات فيها

هنا بندردش سوا عن الافلام ..

وش من الافلام شفت وش اعجبك وش حلو وايش العكس ماتنصح فيه ولا اعجبك

مايهمنا فلم قديم / جديد / انيمي

اي فلم شفته واعجبك

بنفس الوقت مانحرق الفلم على بعض بحيث يكون شرح القصة بـ شكل عام

مانبي نحط قوانين وشروط صارمة من البداية نبغى ننشط القسم ونشوف اذواقكم بالافلام

ياليت يكون الرد عن الفلم مدعم بـ بوستر للفلم واسم الابطال وان حصل عرض مسبق من اليوتيب بيكون أفضل

طريقة البحث عن البوستر سهله

ندخل من هنا على قوقل الصور :24ar: ونكتب اسم الفلم

بعدها نضيف االبوستر بطريقة النسخ والصق

طلبات الافلام والترجمات راح يفرد لها موضوع مستقل بحيث يتم تنفيذ الطلبات من قبل المشرفين او من قبلي او اي عضو حاب يشاركنا ويكون من المتابعين للقسم

اي رد بيكون مخالف مثل مشكورين ويسلمو والله يعطيك العافية راح يحذف مباشرة واللي يكرر مثل هالمواضيع راح يتعرض لـ عقوبة يحددها مشرفين القسم سوا بـ منع من دخول القسم او منع تحميل المرفقات والروابط او حتى منع من دخول المنتدي

ياليت نتقيد عشان مايتشعب الموضوع ونفيد بعض

وحياكم بالصالة :25ar: