_






قامت رسيل مرعوبه من النوم وهي تعرق وتتنفس بصعوبه/بسم الله الرحمن الرحيم كابووس
يمااااااه كابووس

*/
/
/
/

بيت مايا~
سكر إيلي الجوال ومده على اخته/قراسياس مايا
مايا/ههههه قراسياس... قلبت اسباني علطوول حبيبي انت
إيلي/ههههه
مايا/طيب ماما تعرف عربي كلمها عربي
إيلي ببتسامه/ادري حتى هي تقولي بس ارتاح لاكلمتني بالاسباني تعودت*
مايا ابتسمت لانها نفس الشيء/يلا تقوم تنام ولا بتسهرني معااااك
إيلي قام/لا بنام تصبحين على خير ميوش
مايا/وانتا من اهلو ي حبيبي

طلع "إيلي"
ورجعت مايا تنام براااحه..
.
.
.
/
/
/
/
رسيل بغرفتها سهرانه وعلى النت بعد الكابوس..مانامت.

تتصفح كعادتها ومشغله اغنية محمد عبده[هذا المساء للحب للــشــوووق للمــواعيـــد ..هذا المساء لك انت...ششمع واغااني وعيـــد...
وينك حبيبي قبل الششفق مايغيب..
،.تدري حبيبي كثر الصبر تعذيييب]

طرى عليها الشاب اللي مجننها بلامبالاته..كيف تناظر فيه بدلع وكانت تتكلم معاه بغنج ولا اهتز فيه شعره..
(مسوي فيها صعب،على من ي عبوود على رسسسيل موقفه شباب جده على ساق هههه)*
قامت وقصرت شوي على الاستريو وأخذت جوالها ودقت على رقم عبدالله اللي أخذته بطريقتها الخاصه،،
ودقت وهي متحمسه تسمع صوته/.....

*عبدالله كان مستلقي يستنى النوم واستقعد من الروعه ورد بسرعه بصوت رجولي/الوه

رسيل ذااابت من صوته/مسسساء الخير

عبدالله استغرب وشبه الصوت/مساء النور شفيك ”نجد”
رسيل زعلت وبووزت/انا ماني نجد
عبدالله/اجل من؟

رسيل/انا اللي حاولت تسبب في موتها قبل فتره

عبدالله تذكرها/ررسييل!!

رسيل بدلع/حلو..يعني مانسيت اسمي*

عبدالله/شلون جبتي رقمي

رسيل/ هههههههه ي قدمك..وش هالسؤال

عبدالله/هههه صادقه،،انتي خبيره< يقط حكي

رسيل عصبت/عبووود وش خبيره فيه

عبدالله بسخريه/ههههه*

رسيل مسويه زعلت بدلع/عبووود

عبدالله استغرب/وشو عبود!

رسيل/هههههه اسمك حبيبي والا ان شاء الله تبيني اناديك عبدالله داايم...*

عبدالله/ملاحظ انك جريئه*

رسيل زادت دلعها حبتين/هههههه جريئه ودلوعه واعجبك بعد

عبدالله/ما اقدر اعذريني*

رسيل خافت/متزوج؟

عبدالله/لا

رسيل/خاطب او متملك

عبدالله/ولا شيء من اللي قلتيه..،بس قلبي معلق بانسانه ومنتهي..

رسيل/نجد صح؟

عبدالله خاف/شلون عرفتي اسمها

رسيل/انت قلتلي هالاسم اول ما رديت علي

عبدالله/الظاهر صرت اهلوس فيها ههههه والا نجد ماعمرها اتصلت علي علشان تسولف لي

رسيل احتررت/طيب بتتزوجها!!

عبدالله/ان ششاء الله بتكون حلاالي*

رسيل/آآه ي بختها فيييك.....

عبدالله/الا يا بختي فيها

رسيل ولعت غيره/بسس افرض انها رفضتك

عبدالله/ماراح ترفضني مستتحيييل

رسيل/قالتلك انها تحبك والا انت سألتها عن رايها بالزواج منك علشان تكون بهالثقه

عبدالله تضايق/انتي شتبين مني

رسيل/واضح انك منت ضامن موافقتها

عبدالله/انتي وش تبين مني مع هالليل

رسيل/انت شفيييك علي مايسوى علي داقه اسمع صوتك واقول مشتاقه..

عبدالله/مضطر اسكر الخط

رسيل/لحظه بليييز*

عبدالله/خييير

رسيل/انت تؤمن بالحظ والنصيب

عبدالله/شقصدك

رسيل/دايما في شيء اسمه قسمه ونصيب لازم ترضى اذا ماكانت نجد من نصيبك

عبدالله عصصب من كلامها/ان دقيتي هالرقم مره ثااانيه ماراح يحصلك طيب

رسيل/هههههه عبوود

عبدالله سكر الخط بوجهها....

رسيل انقهررت وهو يسكر الخط بوجهها_انـــآ يسكر بوجهي الخط اناااااا،

،،آآآه لو اوصلك ي عبدالله،

/
/
/

الوليد جالس بمكتبه ويتابع شغله كعادته...،دخل متعب/السلام عليكم
الوليد/وعليكم السلام هلا متعب
متعب جلس/شخبار الشغل
الوليد بحماس/ماشي و سوق العقار نازل هالايام يعني يمدينا نشتري
متعب/حلو..طيب دورت اراضي
الوليد/في ارض كبيره شمال جده نقدر نشتريها ونسويها مخطط ونمده بكل الخدمات ونبيعه مجزء راح يكون مشروع ناجح
متعب/فعلا وخصوصا ان المخططات شحيحه والطلب يفوق العرض
الوليد/بالضبط*متعب/ممتاز..ملاحظ انك بديت تداوم اكثر من قبل
الوليد/هههه شنسوي بابوك نبي نكسب رضاه
متعب ابتسم/طيب مستعد للملكه يوم الخميس
الوليد ضاق صدره/ايه*
متعب/اسمع نبي نسافر اليوم العصر*الوليد تنفس بضيق/طيب
متعب ناظر وليد وهو يغبطه(زعلان انك بتاخذ قرويه....بلاك ماتعرف هالقرويه)
الوليد/شبلاك تناظرني كذا
متعب ببتسامه/ابي اشبع من شوفتك قبل لا تاخذك نجد
الوليد/نجد!!
متعب/ايه بنت عمك خالد العروس اللي بتتزوجها أسمها نجد
الوليد/وين تاخذني يعني
متعب قام وهو يضحك/هههه عن اذنك خلك جاهز بس بااي
الوليد سكت وكمل شغله وهو يفكر فيها وفي شكلها...،

رن جواله ”جمانه” واسترخى على الكرسي ورد عليها/هلا وغلا
جمانه/صباح الشوق بيبي
الوليد/صباح الحب حياتي
جمانه بدلع/شخباارك
الوليد/انا تمام..انتي اللي وش اخبارك،،ادق ومطنشه

جمانه ارتبكت/انا اطنششك،،لا عشت ولا كنت

الوليد/اهاا
جمانه/وليييد حبيبي بغيت اطلب منك طلب

الوليد ابتسم/ههه سمي آمرري

جمانه/تسلم حبيبي...نفسي أسافر ميلانو

الوليد/بسس هههه تاامرين من السبوع الجاي انا وانتي هناك بعد شتبين*
جمانه بلعة ريقها من التردد/لا مو انا وانت
الوليد/اجل تبين تسافرين لحالك
جمانه/لا انا وبنت خالتي نبي نروح ونتسوق هناك اسبوع ونجي عاااد قلت مافي غير ولييد حبيبي يمول سفرتي كالعاده

الوليد/بس هالمره ماني معك..اخاف عليك*

جمانه/لا تخاف حبيبي

الوليد/اوكي قلبي وش اسمها بنت خالتك علشان اتطمن
جمانه خافت واستخدمت خبث البنات/لا والله تبي تعرف اسمها علشان تتعرف عليها من وراااي هاااه

الوليد/تغارين حبيبتي
جمانه بدلع/اموووت غيييره مو بس اغار

الوليد/اوكي بحولك فلوس ،تكفيك100.000

جمانه/حبيبي زيدهم 50

الوليد/اوكي التذاكر بعد يومين عندك والفلوس راح احولها تامرين شيء ثاني حبيبتي

جمانه/حاليا" لا....باي قلبو

الوليد/بس هذا اللي تبين تقولينه بس تطلبين..مافي شيء ثاني

جمانه/وليييد لا تكون لئييييم
الوليد/ههههههههه اللحين انا لـئـيـم اوكي مقبوله منك باي حبيبتي

جمانه/باي حبيبي
/
/
/
/

في الكافي شوب~جمانه سكرت الخط وهي تبسم بانتصار
احمد/ها حبيبتي وافق
جمانه بنظرة خبث/طبعا حياتي بيوافق انا ما احبه بلاش ههههه
احمد/ههههه كفو*جمانه/المهم حبيبي جهز نفسك للسفر والوناسه
احمد/طيب ي بنت شلون بتطلعين تصريح سفر لحالك
جمانه/ههههه تصريح السفر لغيري مو لي انا يا قدمك هههههه

احمد/ههههههههه داااهيه الله يعين وليد
*
/
/
/
/




”نجد” طلعت من غرفتها وهي متردده وراحت لغرفة أمها/يماااه

ام ساره تركت اللي بيدها/لبيه ي قلب امك تعالي هنا ابوك موب موجود

دخلت نجد وهي متردد وجلست/
ام ساره/وش عندك ي نجد..شكلك عندك حكي ودك تقولينه،قوولي اللي بخاطرك*
نجد وعيونها تلمع/يماه انا ماعرفت بهالدنيا غيرك فتحت عيوني ولقيتك أمي وابوي حمد انتم عايلتي*
ام ساره حبست بكيتها/وش فيك ي نجد*
نجد أرمشت وطاحت دمعتها/ابي تكلميني عن أمي وابوي وكيف صار الحادث*
ام ساره مدت يدها ومسحت دمعة نجد/ي بنتي وشوله ننبش بالماضي
نجد بإلحاح/يماه تكفين ابي اعرف ايش صار بأهلي ابي اعرف اسم امي الحقيقي عايشه والا كاترين وكيف تعرفت بابوي
ام ساره تنهدت/اسمعي ي نجد ابوك كان رجل مثقف ويدرس ودايما مسافر وبيوم من الايام كان بكندا دوره طبيه كعادته والتقى بأمك”كاترين” كانت الدوره مدتها شهرين و خلالها كان ابوك داعيه باخلاقه وتعامله اللي جذب امك وخلاها تسلم وتلتزم بالدين لدرجة غيرت اسمها من كاترين لـ عائشه بس بالورق ظل كاترين والا حنا كنا نناديها عايشه وقررت تجي تهاجر مع ابوك من كندا على هنا واستقروا،وتزوجوا وكانوا ساكنين جده مكان شغل ابوك وتعرفت انا عليها كانت قمة الطيبه واخلاق والحشمه ومتدينه بعد وبعد مرور ثلاث سنوات على زواجهم حملت امك وجابتك ،
نجد تسمع وقلبها يدق بقوه مع سيرة أمها/طيب شلون ماتوا ابي اعرف

ام ساره تنهدت/في يوم من الايام جاءوا عندنا بالديره وكان عمرك وقتها سنه ..حب ابوك يمشي امك بالمزارع قامت ونومتك عندي وقالت لي انتبه عليك وباستك وتطمنت عليك وراحت مع ابوك يتمشون ولا عاد رجعوا...

نجد نزلت دمعاتها/كيف مارجعوا
ام ساره/كانوا يتمشون بالسياره وطاحوا في بير كبيره وماكانت مسوره السياره ماصار لها شيء وهم بعد بس لقيناهم توفوا، وبعد هالحادثه ابو ساره قرر يدفن البير ويسورها بسور عالي
نجد تذكرت البير/البير هي اللي خلف المزارع صحح
ام ساره/ايه هي نفسها
نجد تنهدت ونزلت راسها/الله يرحمهم
ام ساره طلعت ألبوم صور وأوراق ثبوتيه وطلعت صوره ومدتها على نجد/شوفي
نجد طالعت الصوره ببتسامه ومخضبه بدموع، وهي تشوف امها وابوها محتضنينها ومبسوطين/هالبيبي انا ي يمه
ام ساره/ايوه انتي، لاحظي تشبهين امك بكل شيء ماعدا شعرها الاشقر اخذتي سواد الشعر وطول الخشم من ابوك ولون العيون من امك كانت عيونها الله يرحمها زرقاء غامقه.
نجد ببتسامه/امي كانت حلوه صح ي خاله
ام ساره ابتسمت بدمعه/اي حلوه وجابت احلا بنيه
نجد مسحت دموعها/وابوي وسيم؛ شكله طيب وحنون
ام ساره/الله يرحمه من طيبته ووسامته كانت كل بنت من بنات الديره تتمناه زوج لها
نجد/الله يرحمهم
ام ساره/امين...

نجد سرحت ونزلووا دمعاتها_

ام ساره تبي تنسيها/الا شرايك ننسى هالسااالفه شووي وهالدمووع نمسسحهم ونقوم نسوي قهوه ونقهوي ابووك ونوسع صدورنا بالمزرعه
نجد ببتسامه دامعه/يلا
/
/
/
/
/

ساره ورائد„ جالسين يتقهوون „ويتفرجون بالتلفزيون~يتابعون فيلم”

*رائد وده يسألها ومتردد..،
ساره مرتبكه وخايفه من ردت فعله وتفكر شلون تقوله نتيجة التحاليل..
رائد/ساره صبي شاهي
ساره صبت شاهي ومدت عليه الكاسه/سم رايد
رائد اخذ الكاسه/سم الله عدوك............الا شخبار نتايج التحاليل اللي هذاك اليوم
ساره تضيع السالفه/حبيبي من زمان ما رحنا نتمشى شرايك نسافر
رائد/هههه اللحين اسألك وتقولين نسافر*
ساره بلعة ريقها/هااه
رائد/اخذتي النتايج كيف كانت*ساره بلعة ريقها/رايد انا احبك وماني حابه اخسرك
رائد ببتسامه/حتى انا امووت فيك ولا ابي اخسرك شفيييك ساره انا اخسر الدنيا ولا اخسرك مهما كان انا ”احبك”

ساره ترددت/مهما كان ماراح تزعل وتتضايق
رائد خاف/ي بنت الحلال عادي تكلمي انا عقيم صح
ساره خافت وقالت بسرعه/لا لا مو انت..انا

رائد تغير لون وجهه بس ابتسم بوجهها/عادي حبيبتي لاتبكين مو مهم

ساره/يعني منت زعلان
رائد/ااستغفر الله في احد يزعل من إرادة رب العالمين،*
ساره/يعني مو نفسك يجيلك اولاد
رائد قام/انسي الموضوع اللحين،انا طالع وتجهزي عازمك ع العشاء برا

ساره قامت وضمته/حبـيـبي الله لا يحرمني منك
رائد مسح على راسها وتأمل ملامحها بحب” وهو يخفي حزنه بالخبر”
.

.
//
/
/
/


يوم الخميس>>

وقف عبدالله سيارته ومعه أمه/يمه وش هالناس واللمه عند ابوي حمد!!
ام عبدالله/والله مادري ي ولدي
عبدالله طلع جواله/خلني ادق على ساره اشوف ش السالفه
ام عبدالله/انا بنزل مو منتظرتك تسولف
عبدالله بحماس/والا اقول انزل معك ازين
دخل عبدالله واستغرب وجود متعب مره ثانيه هنا وهالمره مع ابوه وواحد ما يعرفه/السلام عليكم
الكل/وعليكم السلام
بوساره ببتسامه/هلا بعبدالله ولدي اقلط
سلم عبدالله وما ارتاح للوليد اللي سلم عليه بإستعلاء!!

بو ساره ببتسامه/عبدالله جيت والله جابك يا بوك روح لامك نوره سلم عليها وهات الشاهي*
عبدالله قام/ابشر يبه
بومتعب بصوته الفخم الكبير/هذا عبدالله اليتيم
عبدالله سمع الكلمه وهو عند الباب وغصته بس سكت وراح...

بو ساره/عبدالله ولدي مهوب يتيم ربيته من وفاة ابوه وقبل وفاة ابوه وهو ببيتي واخو بنتي ساره لاتقول هالكلام قدامه

الوليد مو مهتم لأحد وجالس يناظر بالساعه كل شوي بملل..
،
/
/

دخل عبدالله وهو ينادي/أمي نوووره امي نووره
نجد كانت بالمطبخ وسمعت صوته قريب منها ودق قلبها بقووه واتجهت لباب المطبخ علشان تكلمه من وراء الباب/امي بالغرفه ي عبدالله

عبدالله اول مره يسمعها تقول اسمه بدون دلع”عبادي”
قرب علشان يكلمها/نجد!
نجد بدمعه/هلا عبدالله
عبدالله/مساء الخير شخبارك
نجد بلعة عبرتها/تمام
عبدالله/نجوده.. وش فيه صوتك متغير؟ أنتي تعبانه؟
نجد ابتسمت بدمعه/يمكن ايه يمكن لا

عبدالله تذكر كلمته المعتاده(يمكن ايه يمكن لا) /ههههه

نجد تعب قلبها من ضحكاته ونزلت دمعاتها ومسحتهم_

عبدالله بعد تردد/اقول نجد كلمتك ساره عني ؟
نجد فهمت الموضوع واكتفت بالدموع..
*اقبلت ساره وشافته يكلم نجد وضاق صدرها/السلام عليكم عباااادي
عبدالله سلم عليها/هلا بالسووري وعليكم السلام شخبارك
ساره اخذته/بخير تعاال
نجد/الشاهي خلص ي عبدالله اخذه

ساره اخذته منها واعطته عبدالله وابعدت وهمست له/ود الششاهي وتعال بسرعه ابيك
عبدالله/شالسالفه

ساره/شيء مهم لازم تعرفه
عبدالله/كلمتي نجد عني؟بششرري وش قالت عني،،انا اول مره اشوفها تكلمني كذا وتناديني رسمي بعد..
ساره تغير لون وجهها/انا ماقلت لها شيء
عبدالله/وليش وش تنتظرين،حرام عليك ماخذ اجازه ومتعني ابي اخطب واتملك هالاسبوع و...
ساره نزلت دمعتها/عبادي حبيبي ”نجد” انخطبت للوليد.. ولد عمي والليله ملكتها و بتتزوجه قريب..

عبدالله نزل عليه الخبر مثل الصاعقه وحاول يتماسك ....
،أبتسم يخفي صدمته ورفع راسه للسماء يمنع دمعته تنزل وصد
وراح بدون أي ردة فعل....
نجد جلست مكانها وهي تحاول تكتم بكاها قد ماتقدر _

~~محتـــاج أضمك ويتوقف العالم سنيــن...,وأحس بلهـفـتـك والـشـوق والحـنيــن.......
~
~
/
/
/
//




انتهى