السلام عليكم ورحمة الله وبركاته

شخباركم حبايب قلبي

<== هالمرة جايكم باسلوب

مثل ما أنتم عارفين أن العنصر الأساسي لنجاح اي منتدى هو الأعضاء

وتميز القسم هو من تميز أعضاءه ومشرفيه

أنا شايف المنتدى هالأيام مقلع ماشي حدود 200 وأنا خايف عليه من السرعة تعرفون خطورتها

وش سالفتي قمت ألخبط

آسف كان قصدي المنتدى هالأيام أشوف فيه نشاط كبير والأعضاء مشاركاتهم كثيرة وردودهم أكثر

ما شاء الله عليهم وعلى المنتدى والمشرفين والادارة قولوا ما شاء الله

وإللي أبغاه وأكيد إنتم تبغونه نحافظ على هذا المستوى .. لذلك عندي نقطتين ودي أضيفها على الشروط والشور شوركم والرأي رأيكم:

أولاً: العضو لما يدخل المنتدى بشكل عام داخل يوسع صدره ويبحث عن مواضيع ( جديدة ) يشارك فيها.

في الفتره الأخيرة صرنا نشوف مواضيع قديمة تنرفع وغالباً مايكون كاتب الموضوع اختفى من المنتدى
غير كذا الموضوع أخذ حقه من الردود وفيه مواضيع جديدة أحق بالاهتمام من الموضوع القديم
والردود إللي ترفع الموضوع نضطر لحذفها علشان يرجع الموضوع مكانه واذا زادت الردود يتم اقفال الموضوع

- هذا من رأيي -

فحبيت الفت انتباهكم لهذا الموضوع

الزبـــــــــدة

نمنع رفع المواضيع إللي مضى على كتابتها أكثر من شهر باستثناء كاتب الموضوع وإذا تم رفع الموضوع أكثر من مرة ( من الكاتب أو من غيره ) يتم إقفال الموضوع.

في بعض المواضيع إللي يرى مشرف القسم إن الموضوع يستاهل الرفع سواء لجودته وفائدته أو لأنه لم يأخذ حقه في الرد يسمح له بقدر ما يرى أنه يستاهل.

والسبب حتى يجدد العضو نشاطه في القسم ولا يهتم بموضوعه القديم بدل كتابة موضوع جديد.


ما فيه ثانياً خلاص انتهى الكلام

يللا وش تنتظرون اكتبوا رأيكم مين يأيد الفكرة ومين يعارض ويا ليت مع بيان السبب


شاكر لكم اهتمامكم بالموضوع
واعذروني على الاسلوب
كل ما أقراء موضوع في قسم المشرفين لازم يكون رسمي
فحبيت أغير هالأسلوب لأن كثرته تجيب الملل

عندي اقتراح وش رايكم نسوي لنا قسم ألعاب للمشرفين
خخخخخخخخخخخخخ

آمزح آمزح


See You