عز الويلااان .. وعشقي له ... ونبضه عنه... هو خلف المشعاان

وهذه بعض قصاايده اتمنى انها تنال اعجاابكم



تاخذين .. السالفة جد .. من جد

........................................ ماكل مانبغى نقوله ...... نقوله

:
:

لو الحكاية رد .. كتبت لك .. رد

.................................. ماهو على معناك بالضبط ! .. حوله !

:
:

بس الحقيقه .. بيننا .. ألف ابو سد

.................................... طبعي زعول وطبعك انتي .. عجوله
:
:

ومن انتي .. أصلاً لجل أبين لك الود

.................................... انتي مجرد غصن .. واضح .. ميوله

:
:

ان كنت ابنظر لك ضروري .. ولابد

...................................... عشان بس الموق يشبع ... فضوله

:
:

ماني من اللي .. شد عظمه .. أو اشتد

.................................... مشتد عظمي .. من سنين .. الطفوله

:
:

حدتني الدنيا .. على قولهم .. حـد

................................... ولا هزني عصف الظروف .. بسهوله
:
:

قلبي اليامن صد .. عن رغبته .. صد

..................................... مابـ التقاعس .. للنواعس ... رجوله

:
:

ماني خلف بابا.. ولاني .. خلف جد

.................................... ولايوخذ اسمي .. للقصايد .. عموله
:
:


حنا لياعدوا .. هل الطيب .. ننعـد

................................... والا الشعر .. حتى الحريّم ,، تقوووله


ماعرف اكون الا كـذا ..!!


من جيت للدنيا وانا ( حظي ) .. مثل عابر طريق
........................... يشّر ، على خط الزمن .. عل الليالي ، تنقله


صابر على مر التعب .. كرمال عينك .. يالرحيق
........................ يطيح صبري ( واشقله ).. وايطيح وارجع واشقله


يضيق صدري ( بالعَجَل ) واقول صدري مايضيق
.............................. استثقل اني انهزم .. وآخذ من الهــم ... اثقله


ومع كل هذا .. بسمتي .. مافارقت عين الصديق
............................ واللي يعرقل بسمتي .. أضحك .. عشان اعرقله


ماعرف اكون الا كذا .. صادق ولا احب البريق
.............................. مثلي مثل أية بشر .. بالصيف .. يرفع .. منقله


مااحب امثّل مثلهم .. ( شفيئ ) ياراجل ( شفيق )
.......................... ولا حب اسوي بالشعر .. حشوة حكي .. ( مستعقله )


اللي اعرف اني اجي .. واشعلل الساحه .. حريق
......................... واني حكيم .. بفطرتي .. واكتب من الشعر .. اعقله


( سطحي ) الى حد السما .. واضح ولا لي بالعميق
............................ اللي تحت قاع البحر .. والموج .. فوقه .. يرقله


ماهمني كثر الفرق .. حولي .. وانا وحدي .. فريق
............................... أحب .. خط المسطره .. واكره .. مسار المنقله


هن يتبعــني
ياقلب انا بلشت بك .. وين اوديك ؟؟
........................ شيبت بي ياقلب .. من صغر سني


اسعى وراك .. وخيب الله مساعيك
........................ من طيبتك .. ماشفت .. غير الهبني


ياكثر ماتجـني .. عليه هقاويك
........................ من حسن ظنك .. بالبشر ساء ظني


اعطيك غيري .. لجل مايحتفظ فيك
........................ وترجع تقول : اللي خذاني طعني ..!!


طيب شسوي بك .. ؟.. وهذي امانيك
........................ اللي جرالك منك .. ماهوب مني


تسد باب .. وتنتفح لك .. شبابيك
........................ وكل ماتهزك عاصفه .. تمتحني


بلشت بك .. بلشـة هل الديك ، بالديك
........................ اللي بغى يذّن .. وصبّح يغني ..!!


تسري ورى النية ( واتولِي ) مساريك
........................ حتى قتل صبحك ( ظــلام التبني )


الى هنا وآقول ..( بسّك ) .. ويكفيك
........................... رد الكلام .. ووصل العلم عني


ماني تبع هذي ، ولاني تبع ذيك
........................ لاجا الصحيح ... اثنينهن يتبعني


الممكله العربيه السعوديه


مايتبع هروج السفيه .. بذمتي غير السفيه
................................ يعني على رأي المثل ( أعمى يقوده إمـّعه )
:
:

تبت يدين الإمعه .. واللي معه .. تبت يديه
............................... بوق الدجل ، شيخ الجدل ، والسربه اللي تتبعه
:
:

فقيه علم البلبله ، بهلولهم ، سعـْد الفقيه
.................................... اللي يريد إصلاحنا ، أصل الفساد ، ومنبعه
:
:

تحشم سمو المملكه عن ما يقول ويدعيه
................................. من يسمع علومه ، خبل لو عاد فكر ، يسمعه
:
:

والله ولا 100 سعد ، يهزنا ، بدري عليه
................................... مازعزعوا حب الوطن .. زمرة فساد مجمّعه
:
:

حنا تحت أمر النزيه ابن النزيه ابن النزيه
..................................... اللي بذكره يحتمي بيت ، القصيد ، ومطلعه
:
:

لا قال ابو فيصل كذا .. قلنا : كذا من غير ليه
..................................... حنا الزناد اللي رفع صدره لضمة .. إصبعه
:
:

ناقف مثل صف الفشق بالمحزم اللي يرتديه
................................... من لا ارتدع عن دارنا .. أدنى حدينا ، يردعه
:
:

الدار نخلة دونها .. سيفين ياحضرة فقيه
................................ ( الشرع ) ثم ( آل السعود ) .. وغيرهم مانتبعه
:
:

مايتبع هروج السفيه .. بذمتي غير السفيه
................................. وانتم .. مثِل قول المثل .. ( أعمى يقوده إمعه )
: