هذه قصيده للشاعر // حمد الدليهي الخالدي

أتمنى ان تنال أعجاب كل من أصاب هدف المعنى .



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ماهقيت أن بالأجاويد بـه نـاسٍ وحـا=لين حلت سكرت الموت بالعرق الذبيـح
وانمحى التزيف مع ساير الوقت أنمحـا=مثل ماقال المثل مايصـح ألا الصحيـح
ماجهلنا كلمـة السـر والغافـي صحـا=والسلامه ماتناسب على شخصٍ جريـح
ياجحـا والا نسميّـك ياصاحـب جحـا=مانت حي ومانت ميت ولاشفتك طريـح
بهذوك أصاحبك اللـي يشيلـون اللحـا=وتدعي في دين الاسلام وانت من المسيح
وصرت مثل الحبه اللي يلامسها الرحـا=مرةٍ تنجا ومـره وسـط جوفـه تطيـح
يامساوي ساري الليل جـلاس الضحـا=ذاك وإلا ذاك وإلا حــرام وتستبـيـح
مانخيل البارق اللي عن الشـوف أنتحـا=والعذر مرفـوض لوتستعـد وتستريـح
يستحي كساب الأمداح وجهـك ماستحـا=والجهات أربع ولالك على الأربع مديـح
[/poem]